စိန့်လူစီယာနိုင်ငံ
စိန့်လူစီယာနိုင်ငံသည် အရှေ့ဘက် ကာရစ်ဘီယံပင်လယ် အတွင်းတွင် တည်ရှိသော ကျွန်းနိုင်ငံ တစ်နိုင်ငံ ဖြစ်ပြီး အတ္တလန္တိတ် သမုဒ္ဒရာ နှင့် နယ်နိမိတ် နေရာတွင် ရှိသည်။ အန်တေးကျွန်း အငယ်စားများ၏ အစိတ်အပိုင်းဖြစ်ပြီး စိန့်ဗင်းဆင့်ကျွန်း၏ မြောက်ဘက်နှင့် အရှေ့မြောက်ဘက်၊ ဘာဘေးဒိုးစ်နိုင်ငံ၏ အနောက်မြောက်ဘက်၊ မာတင်းနစ်နိုင်ငံ၏ တောင်ဘက်တို့တွင် တည်ရှိသည်။ ကုန်းမြေဧရိယာ ၆၂၀ စတုရန်းကီလိုမီတာ (၂၃၈ စတုရန်းမိုင်) ရှိပြီး ၂၀၀၉ ခုနှစ် ခန့်မှန်းချက် အရ ခန့်မှန်းခြေ လူဦးရေ အားဖြင့် ၁၇၃ , ၇၆၅ ခန့် မျှ ရှိသည်။ မြို့တော်မှာ ကက်စထရီမြို့ ဖြစ်သည်။ စိန့်လူစီယာနိုင်ငံသည် အာသာလူးဝစ်နှင့် ဒဲရက်ဝေါလ်ကော့ ဆိုသော နိုဘယ်လ်ဆုရှင် နှစ်ဦး၏ နေထိုင်ရာ နိုင်ငံ ဖြစ်သည်။ လူဦးရေ အချိုးအစား နှင့် ကြည့်ပါက ဖာရိုးကျွန်းပြီးလျှင် နိုဗယ်ဆုရသူ အများဆုံး နိုင်ငံ ဖြစ်သည်။
စိန့်လူစီယာနိုင်ငံ | |
---|---|
ဆောင်ပုဒ်: "The Land, The People, The Light" | |
နိုင်ငံတော် သီချင်း: "စိန့်လူစီယာ၏ သားသမီးများ" | |
စိန့်လူစီယာနိုင်ငံ၏ တည်နေရာ (circled in red) ကာရစ်ဘီယံဒေသ အတွင်း (အဝါဖျော့) | |
မြို့တော် နှင့် အကြီးဆုံးမြို့ | ကက်စထရီမြို့ 13°53′00″N 60°58′00″W / 13.88333°N 60.96667°W 60°58′00″W / 13.88333°N 60.96667°W[၁] |
ရုံးသုံး ဘာသာစကားများ | အင်္ဂလိပ် |
ဒေသခံဘာသာစကား | Saint Lucian Creole[၂] |
လူမျိုးစု (၂၀၁၀[၃]) |
|
ကိုးကွယ်မှု |
|
Demonym | Saint Lucian |
အစိုးရ | ပြည်ထောင်စု ပါလီမန် စည်းမျဉ်းခံဘုရင်စနစ် |
• ဧကရာဇ် | ချားလ်စ် ဝေလမင်းသား |
• ဘုရင်ခံချုပ် | နာဗီးလ် ဆင်နက်စ် |
• ဝန်ကြီးချုပ် | ဖီးလစ် ပီးယား |
ဥပဒေပြုလွှတ်တော် | ပါလီမန် |
ဆီးနိတ်လွှတ်တော် | |
အောက်လွှတ်တော် | |
လွတ်လပ်ရေးရရှိခြင်း | |
• ပေါင်းစည်းနိုင်ငံ | ၁၉၆၇ ခုနှစ် မတ်လ ၁ ရက် |
၁၉၇၉ ခုနှစ် ဖေဖော်ဝါရီလ ၂၂ ရက် | |
ဧရိယာ | |
• စုစုပေါင်း | ၆၁၇ km2 (၂၃၈ sq mi) (အဆင့်: ၁၇၇) |
• ရေထု (%) | ၁.၆ |
လူဦးရေ | |
• ၂၀၂၁ ခန့်မှန်း | ၁၈၄,၄၀၁ (အဆင့် - ၁၇၇) |
• ၂၀၁၀ သန်းခေါင်စာရင်း | ၁၆၅,၅၉၅ |
• သိပ်သည်းမှု | ၂၉၉.၄/km2 (၇၇၅.၄/sq mi) (အဆင့် - ၂၉) |
GDP (PPP) | ၂၀၂၀ ခန့်မှန်း |
• စုစုပေါင်း | $၂.၄၈၀ ဘီလီယံ[၄] |
• Per capita | $၁၃,၇၀၈[၄] |
GDP (nominal) | ၂၀၂၀ ခန့်မှန်း |
• စုစုပေါင်း | $၁.၇၇ ဘီလီယံ[၄] |
• Per capita | $၉,၇၈၀[၄] |
Gini (၂၀၁၆) | ၅၁.၂[၅] မြင့် |
HDI (၂၀၁၉) | ၀.၇၅၉[၆] မြင့် · ၈၆ |
ငွေကြေး | အရှေ့ ကာရစ်ဘီယံ ဒေါ်လာ (XCD) |
အချိန်ဇုန် | AST (UTC−4) |
ယာဉ်ကြောစနစ် | ဘယ် |
တယ်လီဖုန်းကုဒ် | +၁-၇၅၈ |
ISO 3166 ကုဒ် | LC |
Internet TLD | .lc |
လေညာကျွန်းများထဲမှ တစ်ကျွန်းဖြစ်သော စိန့်လူစီယာ နိုင်ငံသည် ပထမဆုံး ဥရောပသား ကိုလိုနီနယ် ရှာဖွေသူ ပြင်သစ်နိုင်ငံမှ စိန့်လူစီကို အစွဲပြု၍ နာမည် မှည့်ခေါ်ထားခြင်း ဖြစ်သည်။ သူတို့သည် ဒေသခံ ကာရစ် လူမျိုးများနှင့် ၁၆၆၀ တွင် သဘောတူ စာချုပ် လက်မှတ် ရေးထိုးခဲ့ကြသည်။ အင်္ဂလန်မှ ထိုကျွန်းကို ၁၆၆၃ မှ ၁၆၆၇ ခုနှစ် အထိ သိမ်းယူ ထိန်းချုပ်ထားခဲ့သည်။ နောက်ပိုင်းနှစ်များတွင် အင်္ဂလန်နှင့် ပြင်သစ်တို့ စစ်ပွဲ ၁၄ ကြိမ်မျှ ဖြစ်ပွားပြီး ပြင်သစ်နှင့် အင်္ဂလိပ်တို့ ကျွန်းကို ၇ ကြိမ်စီ အုပ်ချုပ်ခဲ့ကြသည်။ ၁၈၁၄ ခုနှစ်တွင် အင်္ဂလိပ်တို့က ကျွန်းကို အပြီးအပိုင် ထိန်းချုပ် နိုင်ခဲ့ကြသည်။ အင်္ဂလိပ်နှင့် ပြင်သစ်တို့ အုပ်ချုပ်မှု မကြာခဏ ပြောင်းလဲခဲ့သဖြင့် စိန့်လူစီယာကို "အနောက်အင်ဒီ၏ ဟယ်လင် " ဟုလည်း ခေါ်ဝေါ်လေ့ ရှိကြသည်။