Saint Lucia
Saint Lucia je kupowy stat w Karibiskim morju, kotryž słuša k Zapadoindiskim kupam a je z čłonom Commonwealtha. Dnja 22. februara 1979 bu njewotwisny wot Zjednoćeneho kralestwa.
 |  |
| hesło The Land, the People, the Light | |
| zakładne daty: | |
| stolica | Castries |
| přestrjeń | 616,3 km² |
| wobydlerstwo | 164.000 (201)[1] |
| hustosć | 266,1 wob./km² |
| forma knježerstwa | parlamentariska monarchija |
| hłowa stata | kral Charles III. (zastupowany přez guwernera Cyril Errol Charles) |
| šef knježerstwa | premier Philip Pierre |
| měna | Wuchodokaribiski dolar |
| hamtska rěč | jendźelšćina |
| hymna | Sons and Daughters of St. Lucia |
| časowe pasmo | UTC-4 |
| njewotwisnosć | 22. februara 1979 wot Zjednoćeneho kralestwa |
| Top Level Domain | .lc |
| telefon | + 1 (758) |
| awtowa značka | WL |
| Połoženje St. Lucije w regionje | |
 | |
Geografija
Kupa St. Lucia słuša k Małym Antilam a namaka so mjez St. Vincentom a Grenadinami na juhu a francoskej kupu Martinique na sewjeru. Juhowuchodnje St. Lucije w Atlantiskim oceanje leži Barbados.
Stolica a najwjetše město kupy je Castries na sewjeru z jenož něhdźe 9.000 wobydlerjemi, štož je mjeńše hač wobydlerstwo Biskopic. Najwyši wjeršk je 950 metrow wysoki Mount Gimie. Na kupje maja nimo toho dwaj inaktiwnej wulkanaj, kotrejž stejitej na UNESCO-lisćinje přirodneho herbstwa.
Wobydlerstwo
Wulki dźěl dźensnišeho wobydlerstwa wobsteji z potomnikow něhdyšich afriskich njewólniskich. Nimo jendźelskeje hamtskeje rěče rěči so tež patois, kreolski dialekt. Dwě třećinje wobydlerstwa stej romsko-katolskej.
Saint Lucia je ródna kupa dweju nošerjow Nobeloweho myta: W lěće 1979 dósta William Arthur Lewis Nobelowe myto za hospodarske wědomosće a w lěće 1992 spisowaćel Derek Walcott Nobelowe myto za literaturu. Tuž je Saint Lucia po Ferejskich kupach kraj z najwjetšej ličbu Nobelowych mytow na wobydlerja.
Hospodarstwo
Najwažniša hospodarska hałuza je ratarstwo, při čimž je mjeztym banana cokorinu jako hłowny produkt wotměniła.
Žórła
Wotkaz
Commons: Saint Lucia – Zběrka wobrazow, widejow a awdiodatajow
Kanada |Mexiko |Zjednoćene staty Ameriki
Srjedźna Amerika:Belize |El Salvador |Guatemala |Honduras |Kosta Rika |Nikaraguwa |Panama
Karibika:Antigua a Barbuda |Bahamy |Barbados |Dominika |Dominikanska republika |Grenada |Haiti |Jamaika |Kuba |St. Kitts a Nevis |St. Lucia |St. Vincent a Grenadiny |Trinidad a Tobago
Druhe teritorije: Ameriske knježniske kupy (ZSA) |Anguilla (ZK) |Aruba (NL) |Bermuda (ZK) |Britiske knježniske kupy (ZK) |Bonaire, Saba a Sint Eustatius (NL) |Curaçao (NL) |Grönlandska (DK) |Guadeloupe (F) |Kajmanowe kupy (ZK) |Martinique (F) | Montserrat (ZK) |Navassa (ZSA) |Puerto Riko (ZSA) |San Andrés a Providencia (KOL) |Saint-Barthélemy (F) |Saint-Martin (F) |Sint Maarten (NL) |St. Pierre a Miquelon (F) |Turksowe a Caicosowe kupy (ZK)