ဘာဘေးဒိုးစ်နိုင်ငံ

59°33′09″W / 13.17000°N 59.55250°W / 13.17000; -59.55250

ဘာဘေးဒိုးစ်နိုင်ငံသည် အတ္တလန္တိတ်သမုဒ္ဒရာ အနောက်ပိုင်းရှိ အင်တီလီးစ် (Lesser Antilles) ကျွန်းစု ထဲမှ ကျွန်းနိုင်ငံတစ်ခုဖြစ်သည်။ အလျား ၃၄ကီလိုမီတာနှင့် အကျယ် ၂၃ ကီလိုမီတာမျှသာရှိပြီး ၄၃၁စတုရန်းကီလိုမီတာမျှသာရှိသော နိုင်ငံငယ်လေးတစ်ခုဖြစ်သည်။ ဝင်းဒ်ဝါ့ဒ်ကျွန်း နှင့် ကရစ်ဘီယံပင်လယ် တို့မှ အရှေ့ဘက် ကီလိုမီတာ ၁၀၀ မျှသာဝေးကွာသည်။ ^[၇] စိန့်ဗင်းဆင့်နှင့်ဂရင်နာဒင်းစ် ကျွန်းနိုင်ငံမှ အရှေ့ဘက် ၁၆၈ ကီလိုမီတာအကွာ၊ ထရီနီဒက်နှင့်တိုဘာဂိုကျွန်းနိုင်ငံမှ အရှေ့မြောက်ဘက် ကီလိုမီတာ ၄၀၀ အကွာ တွင် တည်ရှိသည်။ အတ္တလန္တိတ်သမုဒ္ဒရာ ဟာရီကိန်းမုန်တိုင်းဧရိယာမှ ကင်းလွတ်သော နယ်မြေဖြစ်သည်။ အစောပိုင်းတွင် ပေါ်တူဂီကိုလိုနီနယ်အတွင်း ကျရောက်ခဲ့ဖူးပြီး ၁၆၂၅တွင် အင်္ဂလန်ဘုရင်၏ လက်အောက်သို့ ကျရောက်ခဲ့သည်။ နောက်ပိုင်းတွင် ဗြိတိသျှအင်ပါယာအတွင်း ကျရောက်ခဲ့သည်။ ^[၈] လူဦးရေ စုစုပေါင်း ၂၇၅,၃၃၈ ခန့်ရှိသည်။ ^[၉] လူဦးရေ ၈၀,၀၀၀ ခန့်မှာ မြို့တော် ဘရစ်ချ်တောင်း တွင် နေထိုင်ကြသည်။ ^[၁၀] ၁၉၆၆ တွင် ဘာဘေးဒိုးစ်နိုင်ငံသည် လုံးဝလွတ်လပ်သော တိုင်းပြည်ဖြစ်လာခဲ့ပြီး ဓနသဟာယအဖွဲ့ဝင်နိုင်ငံလည်းဖြစ်လာသည်။ တိုင်းပြည်၏အကြီးအကဲအဖြစ် အင်္ဂလန်ဘုရင်မ ဒုတိယမြောက်အယ်လီဇဘက် ကိုထားရှိခဲ့သည်။^[၁၁] ၂၀၂၁ အောက်တိုဘာတွင် ဆန်ဒရာ မေဆန်ကို နိုင်ငံ၏ပထမဆုံးသမ္မတအဖြစ် ပါလီမန်မှရွေးချယ်တင်မြှောက်ခဲ့သည်။ ၂၀၂၁ နိုဝင်ဘာ ၃၀ တွင် သမ္မတမေဆန်သည် ဘုရင်မအယ်လီဇဘက်ကို နိုင်ငံ့ခေါင်းဆောင်အဖြစ် အစားထိုးခဲ့ရာ သမ္မတနိုင်ငံဖြစ်လာခဲ့သည်။^{[၁၂][၁၃]} ဘာဘေးဒိုးစ်နိုင်ငံသည် ကရစ်ဘီယံဒေသအတွင်း ခရီးသွားလုပ်ငန်းအဖွံ့ဖြိုးဆုံးတိုင်းပြည်ဖြစ်ပြီး ဒေသတွင်း လူသားဖွံ့ဖြိုးမှုအညွှန်းကိန်း (Human Development Index|HDI) လည်း ၀.၇၈၈ ဖြင့် အမြင့်ဆုံးဖြစ်သည်။

ဘာဘေးဒိုးစ်နိုင်ငံ
အလံတော် အမှတ်တံဆိပ်
ဆောင်ပုဒ်: "Pride and Industry"
နိုင်ငံတော် သီချင်း: "In Plenty and In Time of Need"
မြို့တော် နှင့် အကြီးဆုံးမြို့	ဘရစ်တောင်းမြို့ 13°06′N 59°37′W / 13.100°N 59.617°W / 13.100; -59.617
ရုံးသုံး ဘာသာစကားများ	အင်္ဂလိပ်
အသိအမှတ်ပြု ဒေသန္တရ ဘာသာစကားများ	Bajan Creole
လူမျိုးစု (၂၀၁၀[၁])	၉၁% အမဲ ၄% အဖြူ ၃.၅% ဘက်စုံနှော ၁% အင်ဒီးယန်း ၀.၅% အခြား/သတ်မှတ်မထား
ကိုးကွယ်မှု	၇၅.၆% ခရစ်ယာန်ဘာသာ ၂၀.၆% ဘာသာမဲ့ ၂.၅% အခြား ၁.၃% သတ်မှတ်မထား[၁]
Demonym	Barbadian Bajan (colloquial)
အစိုးရ	ပြည်ထောင်စု ပါလီမန်သမ္မတစနစ်
• သမ္မတ	ဆန်ဒရာ မေဆန်
• ဝန်ကြီးချုပ်	မီယာ မာတလေ
ဥပဒေပြုလွှတ်တော်	ပါလီမန်
• အထက်လွှတ်တော်	ဆီးနိတ်
• အောက်လွှတ်တော်	House of Assembly
ယူနိုက်တက်ကင်းဒမ်းမှ လွတ်လပ်ရေးရရှိ
• အချုပ်အခြာအာဏာရရှိ	၃၀ နိုဝင်ဘာလ ၁၉၆၆
• ကုလသမဂ္ဂအဖွဲ့ဝင်ဖြစ်လာ	၇ ဒီဇင်ဘာ ၁၉၆၆
• သမ္မတစနစ်စတင်	၃၀ နိုဝင်ဘာလ ၂၀၂၁
ဧရိယာ
• စုစုပေါင်း	၄၃၉ km2 (၁၆၉ sq mi) (အဆင့်: ၁၈၃)
• ရေထု (%)	မပြောပလောက်
လူဦးရေ
• ၂၀၁၉ ခန့်မှန်း	၂၈၇,၀၂၅[၂] (အဆင့် - ၁၈၂)
• ၂၀၁၀ သန်းခေါင်စာရင်း	၂၇၇,၈၂၁[၃]
• သိပ်သည်းမှု	၆၆၀/km2 (၁,၇၀၉.၄/sq mi) (အဆင့် - ၁၅)
GDP (PPP)	၂၀၁၉ ခန့်မှန်း
• စုစုပေါင်း	$၅.၃၉၈ ဘီလီယံ
• Per capita	$၁၈,၇၉၈[၄]
GDP (nominal)	၂၀၁၉ ခန့်မှန်း
• စုစုပေါင်း	$၅.၂၀၇ ဘီလီယံ
• Per capita	$၁၈,၁၃၃[၄]
HDI (၂၀၁၉)	၀.၈၁၄[၅] အလွန်မြင့် · ၅၈
ငွေကြေး	ဘာဘေဒိုး ဒေါ်လာ ($) (BBD)
အချိန်ဇုန်	AST (UTC−4)
ယာဉ်ကြောစနစ်	ဘယ်[၆]
တယ်လီဖုန်းကုဒ်	+1 -246
Internet TLD	.bb