ဖန်ဆင်းရှင်သခင်

ဘုရားတစ်ဆူတည်းရှိသောဝါဒ နှင့် ဘုရားအများအပြားရှိသောဝါဒ တို့တွင် အားကိုးအားထား၊ အကာအကွယ်နှင့် လမ်းညွှန်မှုတို့အတွက် ကိုးကွယ်သည့်အရာကို ဘုရားဟုခေါ်သည်။ ကိုးကွယ်ရာကို အင်္ဂလိပ်ဘာသာဖြင့် ဂေါ့ဒ်(God)၊ တရုတ်ဘာသာဖြင့် ရှန်ဒီ(Shangdi)၊ ဟင်ဒီဘာသာဖြင့် ဘာ့ဂ်ဝါန်(Bhagwan)၊ မြန်မာဘာသာဖြင့် ဘုရား၊ ထိုင်း နဲ့ လာအိုဘာသာဖြင့် ဖရာ့ကျောက် Phracêā (พระเจ้า)၊ ခမာဘာသာဖြင့် ပရဲဟ်(Preah)၊ အာရဗီဘာသာဖြင့် အလ္လာဟ် စသည်ဖြင့် ဘာသာစကားအသီးသီးတွင် ကိုးကွယ်ရာကို ခေါ်သည့် ဝေါဟာရအသီးသီး ရှိကြပေသည်။ အခြေခံအားဖြင့် ဘုရားတစ်ဆူတည်းရှိသောဝါဒ (Monotheism) နှင့် ဘုရားအများအပြားရှိသောဝါဒ (Polytheism) ဟူ၍ ဝါဒနှစ်မျိုးရှိကြသည်။