उमाशंकर अरगरिया

उमाशंकर अरगरिया एक नेपाली राजनीतिज्ञ हुन्। उनी वि.सं. २०७८ असार १० मा संस्कृति, पर्यटन र नागरिक उड्डयन मन्त्रीको रूपमा नेपालको इतिहासमा सबैभन्दा छोटो कार्यकाल, १८ दिनको लागि नेपाल सरकारको मन्त्रीको रूपमा सेवा गरेका थिए। नेपालको सर्वोच्च अदालतले वि.सं. २०७८ असार २८ मा गरेको निर्णयको आधारमा उनलाई पदबाट हटाइएको थियो।^[२] उनी प्रतिनिधि सभा निर्वाचन, २०७४ मा तत्कालीन सङ्घीय समाजवादी फोरमको उम्मेदवारको रूपमा धनुषा २ निर्वाचन क्षेत्रबाट विजयी भएर नेपालको पहिलो सङ्घीय संसदको सदस्य बनेका थिए।^[३] वि.सं. २०७९ को प्रतिनिधि सभाको निर्वाचन नजिकिदै गर्दा उनले जनता समाजवादी पार्टी छोडेर नेकपा (एमाले) प्रवेश गरेर प्रतिनिधि सभा निर्वाचन लडेका थिए।