कोशी प्रदेश सभा

नेपालको संविधान बमोजिम वि.सं. २०७४ मा प्रदेश सभाको स्थापना भएको थियो। प्रदेश सभाको पहिलो निर्वाचन वि.सं. २०७४ मा भएको थियो। निर्वाचनमा नेकपा (एकीकृत मार्क्सवादी–लेनिनवादी)ले बहुमत प्राप्त गरेको थियो। कोशी प्रदेश सभाको उद्घाटन वि.सं. २०७४ माघ २२ गते भएको थियो। नेकपा (एकीकृत मार्क्सवादी–लेनिनवादी)बाट प्रदीपकुमार भण्डारी पहिलो सभामुख बनेका थिए भने एमालेबाटै शेरधन राई मुख्यमन्त्रीमा निर्वाचित भएका थिए।

यस प्रदेशको पूर्व नाम प्रदेश नं. १ रहेको थियो। वि.सं. २०७४ माघ ४ गते नेपाल सरकार मन्त्रिपरिषद्को बैठकले विराटनगरलाई प्रदेशको अस्थायी राजधानीको रूपमा कायम गरेको थियो।^[३] वि.सं. २०७६ बैशाख २३ गते प्रदेश सभा बैठकले प्रदेशको स्थायी राजधानी विराटनगरलाई तोक्ने प्रस्ताव दुई तिहाइ बहुमतले पारित गरेको थियो।^[४] यसै प्रकार वि.सं. २०७९ फागुन १७ गते दोस्रो कोशी प्रदेश सभा बैठकले प्रदेशको नाम कोशी प्रदेश पारित गरेको थियो।^[४]

नेपालको संविधानको धारा १९५ मा प्रदेश सभाहरूलाई कार्यसञ्चालन कार्यविधिको व्यवस्था गर्न विशेष समितिहरू गठन गर्ने अधिकार प्रदान गरिएको छ।