नमोबुद्ध नगरपालिका
नमोबुद्ध नगरपालिका नेपालको बागमती प्रदेशमा पर्ने काभ्रेपलाञ्चोक जिल्लामा अवस्थित एक नगरपालिका हो।[२][३] स्थानीय विकास मन्त्रालयले थप ६१ वटा नयाँ नगरपालिका थप्दा काभ्रेपलाञ्चोक जिल्लामा खनालथोक, मथुरापाटी फूलबारी, मेथिनकोट, पुरानागाउँ दाप्चा, दाप्चा छत्रेबाँझ, डराउने पोखरी यी ६ गाउँ विकास समितिहरूलाई समेटेर नमोबुद्ध नगरपालिका घोषणा गरिएको हो।[३][४] नमोबुद्ध नगरपालिकाको केन्द्रभने भकुण्डेबेशीमा रहको छ।[२] नगरपालिकाको घोषणा र क्षेत्रविस्तारसँगै मुलुकमा १ महानगरपालिका, ११ उपमहानगरपालिका, १ सय ७९ नगरपालिका र ३ हजार २ सय ७८ गाविस कायम भएका छन्। नयाँ नगरपालिका थपिएपछि नेपालको सहरी जनसङ्ख्याको प्रतिशत ३६ दशमलव ८ पुगेको मन्त्रालयले जनाएको छ।[४]
नमोबुद्ध नगरपालिका | |
---|---|
देश | नेपाल |
प्रदेश | बागमती प्रदेश |
जिल्ला | काभ्रेपलाञ्चोक |
स्थापना | मङ्सिर २०७१ |
क्षेत्रफल | |
• जम्मा | ७१.४ किमी२ (२७.६ वर्ग माइल) |
जनसङ्ख्या | |
• जम्मा | २१,३२४ |
• घनत्व | ३००/किमी२ (७७०/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
क्षेत्रीय सङ्केत | +९७७-११ |
वेबसाइट | namobuddhamun |
जनसङ्ख्या
नमोबुद्ध नगरपालिका साविकका खनालथोक, मथुरापाटी फूलबारी, मेथिनकोट, पुरानागाउँ दाप्चा, दाप्चा छत्रेबाँझ, डराउने पोखरी गाविसहरू मिलेर बनेको हो। त्यसैले राष्ट्रिय जनगणना २०६८ अनुसार यी ६ गाविसहरूको जनसङ्ख्यालाई जोड्दा नमोबुद्ध नगरपालिकाको कूल जनसङ्ख्या २१,३२४ हुन्छ।[१]
सन्दर्भ सामग्रीहरू
बाह्य कडीहरू
यो पनि हेर्नुहोस्
नेपालको स्थान सँग सम्बन्धित यो लेख अपुरो छ। तपाईं यस लेखलाई बढाएर विकिपिडियालाई सहायता गर्न सक्नुहुन्छ। |