प्युडिपाई

सेलबर्गको जन्म २४ अक्टोबर १९८९ मा, स्विडेनको गोथेनबुर्गमा भएको थियो। उनी सोही सहरमा हुर्किएका थिए।^[७][८] उनको आमाको नाम लोत्ता क्रिस्तिन योहान्ना (जन्म:७ मे १९५८) हो भने उनको बुबाको नाम उल्फ क्रिस्तियन सेलबर्ग (जन्म: ८ जनवरी १९५७) हो। उनी आफ्नो दिदी फान्नीसँग हुर्किएका थिए। उनकी आमा भूतपूर्व प्रमुख जानकारी अधिकृतको रूपमा कार्यरत थिइन् जहाँ उनले सन् २०१० मा, स्विडेनमा, वर्ष अधिकृतको रूपमा नामकरण प्राप्त गरेकी थिइन्।^[९] उनका बुबा कार्यकारी अधिकृत हुन्।^[९]

बाल्यकालमा, सेलबर्गको कलातर्फ चासो थियो र उनले मारियो एन्ड द सोनिक हेजहोग जस्ता लोकप्रिय भिडिओ खेलका पात्रहरू चित्रण गर्नुका साथसाथै आफ्नो सुपर निन्तेन्दो मनोरन्जन प्रणालीका भिडिओ खेलहरू खेल्ने तरिका र खेलको रमाइलो पक्षका बारेमा विस्तृत वर्णन गर्ने गर्दथे।^[१०] उच्च विद्यालयमा अध्ययनरत रहँदा, उनले साथीहरूसँग इन्टरनेट क्याफेमा भिडिओ खेलहरू खेल्नका लागि कक्षा छोड्ने पनि गर्दथे।^{[११][१२]} त्यसपछि उनले गोथनबुर्गमा रहेको सलमार प्रविधि विश्वविद्यालयबाट औद्योगिक अर्थशास्त्र र प्रविधि व्यवस्थापनमा स्नातकोत्तर हासिल गरेका थिए तर सन् २०११ मा उनले विश्वविद्यालय छाडेका थिए।^[१२] उनले युट्युबमा व्यावसायिक कार्यजिवन सुरु गर्नका लागि सलमार विश्वविद्यालय छोडेको बताइएको थियो। सन् २०१७ मा, सेलबर्गले आफ्नो अध्ययनको क्रममा उनको रुचि नभएको कारणले गर्दा पढाई छोडेको स्पष्ट पारेका थिए।उनका अनुसार," सामान्यतया, विश्वविद्यालय छोडेर युट्युबमा भविष्य देख्नु भनेको मुर्खता बाहेक केही होइन"।^{[१३][१४]}

एडोब फोटोसपको प्रयोग गरेर विभिन्न प्रकारका तस्वीरहरू हेरफेर गर्ने बारे वर्णन गर्दै उनले यसको फाइदा र मज्जाको बारेमा पनि छलफल गरेका थिए।^[१४] सालमारबाट छुटेपछि यो जोशलाई अनुसरण गर्दै, उनी फोटोसप प्रतियोगितामा प्रवेश गरेका थिए र एक प्रख्यात स्कान्डिनेभियाली विज्ञापन आयोग मार्फत यस सम्बन्धमा तालिम पनि प्राप्त गरेका थिए।^{[‡ ४]} युट्युबमा सामग्री निर्माण गर्न पनि रुचि राखेका उनले, प्रशिक्षुता हासिल गरिसेकपछि, युट्युब भिडिओमा काम गर्न र कम्प्युटर किन्नको लागि आफूले हेरफेर तथा परिमार्जन गरेका तस्वीरहरूको सीमित संस्करणका मुद्रणहरू बेच्न सुरु गरेका थिए।^{[‡ ४]}

सेलबर्गको लोकप्रियताले उनीहरुलाई अनुदान संचयनको लागि समर्थन जुटाउन अनुमति दिएको छ। फेब्रुअरी २०१२ मा, सेलबर्ग किङ अफ द वेब नामक एक अनलाइन प्रतियोगितामा सहभागी भएका थिए। उनले समग्र उपाधि गुमाउन पुगेका थिए, तर उनी १ देखि १५ फेब्रुअरी २०१२ को मतदान अवधिको लागि "इन्टरनेटको दुनियाँमा खेलहरूको राजा"को बन्न पुगेका थिए। निम्न मतदान अवधिको अवधिमा, सेलबर्गले मत आफ्नो पक्षमा पार्दै प्रतियोगिता जित्न सफल भएका थिए र जितेको नगदलाई विश्व वन्यजीन्तु कोषमा दान गरेका थिए। उनले सन्त जुड बाल अनुसन्धान अस्पतालको लागि पैसा जुटाएका थिए र उनले "वाटर क्याम्पेन च्यारिटी" नामक एक अभियानको सुरुवात गरेका थिए जसको उद्देश भनेको उनको युट्युब च्यानलले प्राप्त गरेको १ करोड भन्दा सदस्यहरू मार्फत च्यारिटी: वाटर नामक एक गैरलाभकारी संस्थाका पैसा दान गर्नु थियो। सेलबर्गले अधिकतम $१०,००० सम्म, अभियान सङ्कलन गर्ने घोषणा गरेका थिए जहाँ उनले सार्वजनिक गरेको भिडिओले प्राप्त गरेको प्रत्येक ५०० अवलोकन बापत उनले १ डलरको दरले दान दिएका थिए। सेललबर्गले $२५०,००० अमेरिकी डलर जुटाउने लक्ष्य राखेका थिए तर यस अभियानको अन्त्य सम्म उनले $४४६,६१२ डलर उठाउन सफल भएका थिए। सेललबर्गले फेब्रुअरी २०१६ मा च्यारिटी: वाटरको लागि अर्को परोपकार अभियानको आयोजना गरेका थिए। अभियानले लक्ष्य गरिएको $१,००,००० डलर भन्दा पनि बढी रकम ($१५२,२३९) सङ्कलन गरेको थियो।

जुन २०१४ मा उनको च्यानलले, २ करोड ५० लाख सदस्यहरू पार गरेको उपलक्ष्यमा यनले सेभ द चिल्ड्रेनको लागि अर्को परोपकार अभियानको घोषणा गरेका थिए। यसले $२,५०,००० को लक्ष्य पार गर्दै $६,३०,००० रकम सङ्कलन गरेको थियो। स्विडेनी पत्रिका आइकनसँगको एउटा अन्तर्वार्तामा उनले यी अभियानहरू समय बित्दै जाँदा अघि बढाउने इच्छा व्यक्त गरेका थिए र जोन र हान्क ग्रीनलाई परोपकारका लागि अनौँठो भिडिओहरू बनाउने विचार दिएकोमा उनीहरूले उनीहरूलाई श्रेय दिएका थिए। यी भिडिओहरूलाई खेल निर्माता र विज्ञापनदाताहरूद्वारा $५०,००० सम्मको मूल्यहरूको लागि खरीद गरिएका थिए।

डिसेम्बर २०१६ मा, उनले क्रिन्गेमास नामक एक प्रत्येक्ष समारोहको आयोजना गरेका थिए जसलाई २ दिन सम्म सञ्चालन गरिएको थियो। प्रत्यक्षप्रवाहको क्रममा, तिनीहरूले वान क्याम्पेन नामक एब गैरलाभकारी संस्थाको एक लागि पैसा जुटाउन मद्दत गरेका थिए जसले अफ्रिकामा एचआइभी/एड्सको सङ्क्रमण हटाउन मद्दत गरेको थियो। पहिलो दिन पछि, कोष सङ्कलनकर्ताले $२००,००० भन्दा बढी रकम जुटाएका थिए भने प्रत्यक्ष प्रवाहको अन्त्य सम्ममा युट्युबले उनीहरूको लक्ष्य $१००,००० लाई दोब्बर गरेको थियो। उनीहरूले बिल र मेलिन्डा गेट्स फाउन्डेसनको सहयोगमा जम्मा १० लाख भन्दा बढी रकम सङ्कलन गरेको थियो।

३ डिसेम्बर २०१८ मा, आंशिक रूपमा भारतीयहरूमाथि निर्देशित उनका भिडिओहरूमा नस्लवादी टिप्पणीहरूको प्रतिक्रियामा, सेलबर्गले भारतीय बालबालिकालाई सहयोग पुर्‍याउने उद्देशका गो फन्ड मी मार्फत चाइल्ड राइट्स एन्ड यु (अनुवादित शीर्षक: बाल अधिकार र तपाई) मा रकम जुटाउन सुरु गर्ने घोषणा गरेका थिए।उनले ४ डिसेम्बरमा अनलाइन मार्फत प्रत्यक्ष समारोहको आयोजना गर्दै, यसको सबै रकम चाइल्ड राइट्स एन्ड यु लाई दान गरेका थिए। उनले यस अभियान मार्फत $२००,००० भन्दा बढि रकम सङ्कलन गरेका थिए।

२१ जुलाई २०१९ मा, सेल्बर्गले जुन २०१९ मा इन्टरनेट व्यक्तित्व एटिकाको आत्महत्याको क्रममा मानसिक रोगको बारेमा राष्ट्रिय गठबन्धनका लागि अमेरिकी अभिनेता ज्याक ब्ल्याकको साथ गो फन्ड मीमा कोष सङ्कलन गर्न सुरु गरेका थिए। जुन २०१९ मा, सेल्बर्ग र ज्याक ब्ल्याकले संयुक्त रूपमा माइनक्राफ्ट खेल्दै उनीहरूको कोष सङ्कलन कार्यलाई सहयोग पुर्‍याएका थिए। सेलबर्गले आफ्नो कोष सङ्कलन कार्य मार्फत उठाएको $१०,००० डलर दान गरेका थिए जहाँ उनले मानसिक रोगको बारेमा राष्ट्रिय गठबन्धनका लागि $३०,००० भन्दा बढी रकम उठाएका थिए।

सन् २०१७ को बेलायतको मानसिक स्वास्थ्य जागरूकता सप्ताहको अंशको रूपमा सेलबर्गले यसभन्दा अगाडि मानसिक स्वास्थ्यको विषयमा बोलेका थिए जसमा उनीसँगको आफ्नो सङ्घर्ष पनि बताएका थिए। उनले एक भिडिओमा मानसिक स्वास्थ्यलाई सहयोग पुर्‍याउन विभिन्न स्रोतहरू बारे प्रकाश पारेका थिए।

सेप्टेम्बर २०१९ मा आफ्ना १० करोड ग्राहकहरू प्ले बटनहरू प्राप्त गरेको अवसरमा, उनले एक भिडिओमा एक अन्तर्राष्ट्रिय यहूदी गैर-सरकारी संस्था एन्टी-डिफेमेसन लिगलाई $५०,००० डलर दाने घोषणा गरेका थिए।सेबर्गको समर्थकहरूले यसलाई विवादास्पद कार्य र एन्टी-डिफेमेसन लिगको धारणा उद्धृत गर्दै उनको निर्णयको आलोचना गरेको थियो।आफ्नो प्रारम्भिक घोषणाको दुई दिन पश्चात, उनले अर्को भिडिओमा आफ्नो चन्दा फिर्ता लिने निर्णय गरेको जानकारी दिएका थिए।उनले एन्टी-डिफेमेसन लिगलाई चन्दा दिन सल्लाह दिइएको उनले बताएका थिए। उनले भविष्यमा, तर एक उपयुक्त छनोट गर्न आफ्नो सामान्य प्रक्रिया पार गरिसकेपछि सोही संस्थालाई दान दिने समेत प्रष्ट पारेका थिए।३१ अक्टोबर २०१९ मा, उनले टिम ट्री नामक एब संस्थालाई दान दिएका थिए जहाँ उनको दान वनफडानी विरुद्ध रहेको थियो।

१९ अगस्ट २०१९ मा, सेलबर्गले लामो समय देखिको आफ्नो इटालेली प्रेमिका मार्जिया बिसोग्निनसँग विवाह गरेका थिए।^[१५] उनीहरूको भेट सन् २०११ मा, उनकी श्रीमतीको साथको मार्फत भएको थियो। अनलाइन सम्बन्ध कायम गरेपछि उनी, मार्जियालाई भेट्न इटाली पुगेका थिए।^[१६] उनीहरू घरि स्विडेन त इटालीमा बसोबास गर्दथे भने पछि उनीहरू इङ्ल्यान्डको ब्राइटनमा बस्न थालेका थिए।^{[७][१६][१७]} जुलाई २०१३ मा, उनीहरू संयुक्त अधिराज्य समुद्रको वरिपरि बस्न सकिने र राम्रो इन्टरनेट जडान हुने हुँदा त्यहाँ गएको बताएका थिए।^[१८] उनीहरूको जापानमा एउटा घर समेत रहेको छ।^{[१६][‡ ५]}

आफ्नो राजनैतिक विश्वासको बारेमा सेलबर्गले आफू अराजनैतिक भएको बताएका थिए^[१९] जहाँ र उनी "बामपन्थी र दक्षिणपन्थी" बीच "कहीँ रहेको बताएका थिए।^[२०] उनका धार्मिक विचारहरू अस्पष्ट छन्, किनकि उनले एक सन् २०१९ को भिडिओमा " मैले आफूलाई धार्मिक रूपमा कसरी हेर्छु भनेर मलाई पनि थाहा छैन" भनेर बताएका थिए।^[२१]

विकिमिडिया कमन्समा प्युडिपाई सम्बन्धी अन्य सामग्रीहरू रहेका छन्।

विकिकथनमा प्युडिपाई का सम्बन्धित भनाइहरू उपलब्ध छन् ।

• प्युडिपाईको च्यानल युट्युबमा हेर्नुहोस्
• इन्टरनेट चलचित्र डेटाबेसमा प्युडिपाई
• स्भारिया रेडियो – फेलिक्स "प्युडिपाई" सेलबर्ग

ढाँचा:प्युडिपाई