मध्यविन्दु नगरपालिका

मध्यबिन्दु नगरपालिका नेपालको पश्चिमाञ्चल विकास क्षेत्र अन्तर्गत लुम्बिनी अञ्चलमा पर्ने नवलपरासी जिल्लामा अवस्थित एक नगरपालिका हो।^[१]^[२]^[३]^[४] स्थानीय विकास मन्त्रालयले २०७२ आस्विन १ गते थप २६ वटा नयाँ नगरपालिका थप्दा नवलपरासी जिल्लामा तमसरिया, नारायणी र कोल्हुवा यी ३ गाउँ विकास समितिहरूलाई समेटेर मध्यबिन्दु नगरपालिका घोषणा गरिएको हो।^[४] मध्यबिन्दु नगरपालिकाको केन्द्र साविकको तमसरिया गाउँ विकास समितिको वडा-४, चोरमारामा रहको छ। नगरपालिकाको घोषणा र क्षेत्रविस्तारसँगै मुलुकमा १ महानगरपालिका, १२ उपमहानगरपालिका र २ सय १७ नगरपालिका कायम भएका छन्।^[५]

जनसङ्ख्या

तमसरिया, नारायणी र कोल्हुवा यी ३ गाउँ विकास समितिहरूलाई मिलाएर मध्यबिन्दु नगरपालिका बनाइएको हो।^[६] त्यसैले राष्ट्रिय जनगणना २०६८को जनगणना अनुसार यी ३ ठाउँहरूको जनसङ्ख्यालाई जोडेर मध्यबिन्दु नगरपालिकाको जनसङ्ख्या २८,२२४ रहेको छ।^[६]