जुली कुमारी महतो

जुली कुमारी महतो^[१] एक नेपाली राजनीतिज्ञ तथा पूर्व महिला, बालबालिका तथा ज्येष्ठ नागरिक मन्त्री हुन्।^[१] उनी नेपालको सङ्घीय संसदको प्रतिनिधि सभा सदस्य हुन्। उनी नेकपा एमालेबाट^[२] समानुपातिक प्रतिनिधित्व प्रणालीबाट निर्वाचित भएकी हुन्।^[३]

नेपालको दोस्रो संविधानसभाको निर्वाचनमा उनी नेकपा एमालेबाट धनुषा–३ निर्वाचन क्षेत्रबाट उम्मेदवार भएर चुनाव लडेकी थिइन् तर उक्त निर्वाचनमा उनी नेपाली कांग्रेसका उपसभापति विमलेन्द्र निधिसँग पराजित भएकी थिइन्।^[४]

नेकपा एमालेको लामो समयदेखि सदस्य रहेकी उनी सन् २०१९ मा नेकपा एमाले र नेकपा (माओवादी केन्द्र)को एकीकरणबाट बनेको नयाँ पार्टी नेपाल कम्युनिष्ट पार्टीको लागि धनुषा जिल्लाको 'सह-इन्चार्ज' नियुक्त भएकी थिइन्। नेपाल कम्युनिष्ट पार्टी लामो समयसम्म टिक्न नसकेर सन् २०२१ मार्च ८ मा विघटन भएको थियो।^{[५][६][७]}