Arròs negre

Arròs negre er ein spansk matrett frå Valencia-regionen og Catalonia laga med blekksprut og ris. Retten liknar paella, men er farga grå eller svart av blekksprutblekket.^[1][2][3] Ein kan også ha andre typer sjømat i, som krabbe, muslingar eller reker. Retten blir tradisjonelt servert med allioli.^[4]

Arròs negre tyder 'svart ris' på katalansk og valensiansk, på spansk (kastiljansk) heiter retten arroz negro. Eit anna namn på retten er arroz de pobre, 'fattigmannsris'.^[2]