Discogs

Discogs (forkorting for discographies, ’diskografiar’) er ein nettstad og ein database med informasjon om musikkinnspelingar.^[1] Det har hovudkontor i Portland i Oregon i USA.^[2] Discogs blei oppretta i oktober 2000 av Kevin Lewandowski som ein database over hans private platesamling.^[3][4]

Discogs og serverane hans tilhøyrer Zink Media, Inc.^[5]

Databasen omfattar kommersielle plater, promoplater, somme bootleginnspelingar og digitale filer.^[6]

Opphavleg var berre utgjevingar i sjangeren elektronisk musikk tekne med, men databasen opna seinare for alle typar musikk.^[7] I januar 2018 omfatta databasen 17 000 000 utgjevingar.^[8] Nettstaden har kring 7 millionar brukarar kvar månad.^[9]