Gate

Ordet «gate» stammar frå urgermansk gatan og er kjent frå norrønt gat eller gata og mellom anna engelsk gate og tysk Gasse.^[1] Det har same opphav som gote eller gutu i tydinga geil, ein veg med stengsle på kvar side.^[2]

Gater får ofte namn etter personar frå lokalmiljøet eller geografien i området. Ei undergruppe gruppe av gater er kalla gågater. I desse gatene er ferdsle med motordrivne fargreier anten forbode eller tillate i visse tidsrom på døgnet.

Den smalaste gata i verda er ifølgje Guinness World Records Spreuerhofstraße i Reutlingen i Tyskland.^[3] Denne gata er 31 cm brei på det smalaste.