Huasco-provinsen
Provinsen Huasco er ein av dei tre provinsane som Atacama-regionen i Chile er delt inn i, og blant desse tre ligg han lengst mot sør. Dei to andre provinsane i regionen er Chañaral i nord og Copiapó i midten. Alle tre provinsar har grense mot Argentina i aust og kystlinje mot Stillehavet i vest. I sør grensar Huasco mot Elqui-provinsen i Coquimbo-regionen. Huasco har eit areal på 19 066 km² og har ein folkesetnad på 73 133 innbyggjarar (2017).
| Huasco | |||
| provins | |||
| Land |  Chile | ||
|---|---|---|---|
| Hovudstad | Vallenar | ||
| Areal | 19 066 km² | ||
| Type | Provins | ||
| Folketal | 73 133 | ||
 Huasco-provinsen 28°32′00″S 70°22′00″W / 28.533333333333°S 70.366666666667°W | |||
 | |||
Huasco er delt inn i fire kommunar:
- Vallenar, provinshovudstad med meir enn halvdelen av folkesetnaden i provinsen
- Freirina
- Huasco
- Alto del Carmen
Provinsen Huasco har ei historie som er spesielt knytt til gruvedrift. Gull og kopar gav bidrag til den økonomiske utviklinga av landet. Gruvehistoria byrja hos urfolket, i før-kolonitid.
I mars 2015 vart provinsen ramma av eit uvêr som påverka området frå Antofagasta til Coquimbo, med etterfølgjande flaum og overløp av Copiapó-elva, jordskred, menneske isolert på grunn av vegsperringar, hus og infrastruktur øydelagt.