Hunedoara
Hunedoara (tysk Eisenmarkt, ungarsk Vajdahunyad) er ein by i Romania i Hunedoara fylke i Transilvania. Han ligg i Cernadalen nær Poiana Ruscă-fjella i Karpatane. Byen har om lag 50 000 innbyggjarar.
Hunedoara | |||
---|---|---|---|
Hunyadslottet i Hunedoara | |||
| |||
Plassering | |||
Styresmakter | |||
Land | Romania | ||
Fylke | Hunedoara | ||
Borgarmeister | Dan Bobouțanu | ||
Geografi | |||
Flatevidd - By | 97 km² | ||
Innbyggjarar[1] - Totalt (2021) - folketettleik | 50 457 520,2 /km² | ||
Koordinatar | 45°46′11″N 22°55′13″E / 45.76972°N 22.92028°E | ||
Høgd over havet | 278 moh. | ||
Tidssone - Ved sommartid | EET (UTC+2) EEST (UTC+3) | ||
Diverse annan informasjon | |||
Postnummer | 331128 | ||
Retningsnummer (tlf) | +40 02 54 | ||
Bilnummer | HD | ||
Nettstad: www.primariahd.ro |
I Hunedoara ligg det gotiske Hunyadslottet, som er knytt til Corvin-familien. Slottet var opphavleg ein liten kongeleg residens som vart gjeve til Vajk (rumensk Voicu) av Sigismund av Det tysk-romerske riket i 1409. Sonen til Vajk, Johannes de Hunyad, bygde ut slottet til ein gotisk residens i 1446.
I tillegg til den rumenske folkesetnaden er det òg ein del etniske ungarar og tyskarar i Hunedoara.
Byen hadde tidlegare det nest største stålverket i Romania, men dette er no nedlagt.
Busetnader
Hunedoara er ein municipiu (større bykommune) med desse busetnadane:
Busetnad | Folketal 2011[2] | Folketal 2021[1] |
---|---|---|
Hunedoara | 57 885 | 48 097 |
Răcăștia | 562 | 486 |
Boș | 477 | 463 |
Groș | 71 | 75 |
Hășdat | 386 | 348 |
Peștișu Mare | 1 144 | 988 |
Storbyområde
Det blir arbeidd med å etablere eit storbyområde som er tenkt å omfatte Hunedoara, fylkeshovudstaden Deva, bykommunane Simeria og Călan (oraș) og dei tre mindre kommunane (comună) Băcia, Cârjiți, Pestișu Mic.[3]