Poker Face

«Poker Face» er ein song av den amerikanske artisten og låtskrivaren Lady Gaga frå debutalbumet The Fame. Songen var produsert av RedOne, og blei utgjeven som albumet sin andre singel i slutten av 2008 for enkelte marknader og i byrjinga av 2009 for resten av verda. Songen er ein uptempo electropop- og dance-pop song. Hovudideen bak songen er biseksualitet og var ei hyllest av Gaga til rock n 'roll kjærastane hennar. Tekstmessig handlar «Poker Face» om ei kvinne som driv med cockteasing.

«Poker Face» fekk for det meste gode tilbakemeldingar frå kritikarane. Songen oppnådde verdsomspennande suksess, og toppa listene i 20 land inkludert USA, Storbritannia, Australia, New Zealand, Canada og mange europeiske land. Den er blant dei mest selde singlane gjennom tidene, etter å ha selt over 12 million eksemplar.