Sjøløver

Sjøløver er ei gruppe øyreselar som omfattar sju artar i ulike slekter, seks levande og ein utdøydd. Det som kjenneteiknar sjøløvene er at dei har ytre øyrer, lange framloffar, evnen til å gå på alle fire og kort, tjukt hår. Sjøløvene lever i farvatna utanfor Nord-Amerika, Sør-Amerika og i Oseania utanfor Australia og New Zealand. Det finst ingen ville sjøløver i Noreg. Den vanlegaste av sjøløveartane er kaliforniasjøløve, som kan dresserast og ofte er å sjå i dyrehagar.