ଉତ୍କଳ ସମ୍ମିଳନୀ

ଉତ୍କଳ ସମ୍ମିଳନୀ ମଧୁସୂଦନ ଦାସଙ୍କଦ୍ୱାରା ସ୍ଥାପିତ ହୋଇଥିଲା ।^[୨] ୧୯୦୩ ମସିହାରେ ଏହାର ପ୍ରଥମ ସଭା ହୋଇଥିଲା ଓ ଏଥିରେ ୬୨ ଜଣ ସ୍ଥାୟୀ ସଦସ୍ୟ ଥିଲେ ।^[୩] ବିଚ୍ଛିନ୍ନ ଓଡ଼ିଶାର ଏକତ୍ରୀକରଣ କରିବା ନିମନ୍ତେ ଅଭିଯାନ କରିବା ଏହି ଅନୁଷ୍ଠାନର ପ୍ରଥମ ଲକ୍ଷ ଥିଲା । ^[୪]

କଟକର ଇଦଗା ପଡିଆରେ ଏହି ସଂସ୍ଥାର ପ୍ରଥମ ସମ୍ମିଳନୀ ହୋଇଥିଲା । ଏହାର ପ୍ରଥମ ଅଧିବେଶନରେ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ଏହାର ଲକ୍ଷ୍ୟ ବୋଲି ଗୃହୀତ ହୋଇଥିଲା । ୧୯୨୦ ମସିହାରେ ଚକ୍ରଧରପୁର ସମ୍ମିଳନୀରେ ଭାରତୀୟ ଜାତୀୟ କଂଗ୍ରେସଦ୍ୱାରା ସଦ୍ୟ ଆହୁତ ଅସ‌ହ‌ଯୋଗ ଆନ୍ଦୋଳନରେ ଯୋଗ ଦେବାକୁ ସ୍ଥିର କରାଗଲା ।^[୫] ୨୦୦୨ ମସିହାରେ ଏହି ସଭାରେ ନୂତନ ସଭାପତି ଭାବରେ ବସନ୍ତ କୁମାର ପାଣିଗ୍ରାହୀ ନିର୍ବାଚିତ ହୋଇଥିଲେ ।^[୬] ବର୍ତ୍ତମାନ (ଅର୍ଥାତ୍ ୨୯-୦୪-୨୦୧୮ରେ ହୋଇଥିବା ନିର୍ବାଚନ ପରେ) ପ୍ରସନ୍ନ କୁମାର ନନ୍ଦ ଉତ୍କଳ ସମ୍ମିଳନୀର ସଭାପତି ଓ ଡାକ୍ତର ରବି ରଂଜନ ସାହୁ ସାଧାରଣ ସମ୍ପାଦକ ଭାବେ କାର୍ଯ୍ୟ କରୁଛନ୍ତି ।^{[ଆଧାର ଲୋଡ଼ା]}

ଉତ୍କଳ ସମ୍ମିଳନୀ ସନ ୨୦୧୦ରେ ଓଡ଼ିଆ ଭାଷାକୁ ଶାସ୍ତ୍ରୀୟ ଭାଷାର ମାନ୍ୟତା ଦେବା ନିମନ୍ତେ ଭାରତ ସରକାରଙ୍କୁ ଅନୁରୋଧ କରିଥିଲେ ଓଡ଼ିଶା ବାହାରେ ଥିବା ଓଡ଼ିଶାବାସୀଙ୍କ ସୁବିଧା ସୁଯୋଗ ପାଇଁ ଉପ‌ଯୁକ୍ତ ପଦକ୍ଷେପ ନେବାକୁ ଅନୁରୋଗ କରିଥିଲେ ।^[୭] ଅତୀତର ଇଂରାଜୀ ଭାଷାରେ ଲେଖାଥିବା "Orissa" ନାମକୁ ବଦଳାଇ "Odisha" କରିବାରେ ଏହି ସଂସ୍ଥା ମୁଖ୍ୟ ଭୂମିକା ନିର୍ବାହ କରିଥିଲା ଓ ସନ ୨୦୧୦ରେ ଆନ୍ଧ୍ର ପ୍ରଦେଶର ପୋଲାଭରମ୍ ପ୍ରକଳ୍ପକୁ ବିରୋଧ କରିଥିଲା ।^[୮]

ଉତ୍କଳ ସମ୍ମିଳନୀର ମୁଖ୍ୟ କାର୍ଯ୍ୟାଳୟ ଓଡ଼ିଶା ରାଜଧାନୀ ଭୁବନେଶ୍ୱରରେ ଅବସ୍ଥିତ । ବର୍ତ୍ତମାନ ଏହା ଅଶୋକ ନଗର, ୟୁନିଟ୍-୨ସ୍ଥିତ ଭି.ଏ.-୯/୧ ଗୃହରେ କାର୍ଯ୍ୟ କରୁଛି ।

• Utkal Sammilani (1903-1936): Vol 1