ଡାଏପର ଚର୍ମପ୍ରଦାହ
ଡାଏପର ଚର୍ମପ୍ରଦାହ (ଇଂରାଜୀ ଭାଷାରେ Diaper dermatitis, ଅନ୍ୟ ନାମ diaper rash), ଶିଶୁର ଡାଏପର ପିନ୍ଧା ସ୍ଥାନରେ ହେଉଥିବା ଲାଲ ଦାଗ ବା ରାସକୁ କୁହାଯାଏ । [୩] ସାଧାରଣତଃ ଚର୍ମ ଭାଙ୍ଗରେ ଏହି ରାସ ବା ଲାଲ ଦାଗ ଓ କାତି ଛାଡ଼ିବା ଦେଖାଯାଏ ନାହିଁ ଓ ତାହା ବ୍ୟତୀତ ଡାଏପର ଲାଗିଥିବା ଅନ୍ୟାନ୍ୟ ସ୍ଥାନମାନଙ୍କରେ ହୁଏ ।[୩] ଜୀବାଣୁ କିମ୍ବା କବକ ସଂକ୍ରମଣ ଯୋଗୁ ରୋଗ ଜଟିଳ ହେଲେ ଛୋଟ ଛୋଟ ଫୋଟକା ହୁଏ, ଚର୍ମ ଭାଙ୍ଗ ପ୍ରଭାବିତ ହୁଏ ଓ ଡାଏପର ନ ଲାଗିବା ସ୍ଥାନ ମଧ୍ୟ ପ୍ରଭାବିତ ହୁଏ । [୩]
| Diaper dermatitis | |
|---|---|
| Irritant diaper dermatitis,[୧] napkin dermatitis, diaper rash, nappy rash[୨] | |
 Benign diaper rash | |
| ବିଭାଗ | Pediatrics |
| ଲକ୍ଷଣ | Redness in the diaper area[୩] |
| ଆକ୍ରାନ୍ତ ସମୟ | 9 to 24 months[୩][୧] |
| ଅବଧି | 2 to 3 days[୧] |
| ବିପଦ କାରକ | Antibiotics by mouth, gastroenteritis, malnutrition[୩] |
| ରୋଗ ନିର୍ଣ୍ଣୟ ପଦ୍ଧତି | Based on the appearance[୧] |
| ସଠିକ ରୋଗ ନିର୍ଣ୍ଣୟ | Intertrigo, herpes simplex, molluscum, warts[୩][୧] |
| ଔଷଧ | Nystatin, bacitracin/polymyxin B, steroid cream[୧] |
| ଚିକିତ୍ସା | Frequent diaper changes, cleaning area with warm water, moisturizer cream[୩] |
| ପୁନଃପୌନିକ | Common[୩] |
ଡାଏପର ଚର୍ମପ୍ରଦାହ ସାଧାରଣତଃ ଉତ୍ତେଜକ ସ୍ପର୍ଶ ଚର୍ମପ୍ରଦାହର ଏକ ଭିନ୍ନ ରୂପ ଅଟେ । ଆଲର୍ଜି , ସଂକ୍ରମଣ, ସେବୋରିକ୍ ଡର୍ମାଟାଇଟିସ୍ କିମ୍ବା ସୋରିଆସିସ ଯୋଗୁ ଏହି ରୋଗ ହୋଇପାରେ । [୪] ପାଟିରେ ଆଣ୍ଟିବାୟୋଟିକ ଦେଲେ, ଗ୍ୟାଷ୍ଟ୍ରୋଏଣ୍ଟେରାଇଟିସ୍ ଏବଂ ପୁଷ୍ଟିହୀନତା ଥିଲେ ଏହି ରୋଗ ଅଧିକ ଖରାପ ଦିଗକୁ ଗତି କରେ । [୩] ସାଧାରଣତଃ ପୂର୍ବରୁ ଆଲର୍ଜି ଥିବା ବ୍ୟକ୍ତିଙ୍କଠାରେ ସଂକ୍ରମଣ ଅଧିକ ଦେଖାଯାଏ ।[୩] ଲକ୍ଷଣ ଦେଖି ରୋଗ ନିର୍ଣ୍ଣୟ କରାଯାଇପାରେ ।[୧]
ପ୍ରତିଷେଧ ନିମନ୍ତେ ଅତ୍ୟଧିକ ଅବଶୋଷଣକାରୀ ଡାଏପର ବ୍ୟବହାର କରାଯାଏ ଯାହାଦ୍ୱାରା ଆଲର୍ଜି ହେବାର କମ୍ ସମ୍ଭାବନା ଥାଏ | [୩] ଚିକିତ୍ସାରେ ଡାଏପରଗୁଡିକ ମଇଳା ହେବା ମାତ୍ରେ ପରିବର୍ତ୍ତନ, ଡାଏପର ପରିବର୍ତ୍ତନ ସମୟରେ ଉଷୁମ ପାଣିରେ ସଫା କରିବା ଏବଂ ପ୍ରଭାବିତ ଅଞ୍ଚଳରେ ନରମକାରୀ ମଲମ ପ୍ରୟୋଗ କରାଯାଏ ।[୩] ସଂକ୍ରମଣ ଥିଲେ ଆଣ୍ଟିଫଙ୍ଗାଲ୍ ଯେପରିକି ନିଷ୍ଟାଟିନ୍ କିମ୍ବା ଆଣ୍ଟିବାୟୋଟିକ୍ ମଲମ ଯେପରିକି ବାସିଟ୍ରାସିନ/ ପଲିମିକ୍ୱିନ ବି ବ୍ୟବହାର କରାଯାଇପାରେ। [୩] [୧] ଏକ ଦୁର୍ବଳ ସ୍ଟିରଏଡ କ୍ରିମ୍ ମଧ୍ୟ ସହାୟକ ହୋଇପାରେ | [୧]
ଡାଏପର ବ୍ୟବହାରକାରୀ ପିଲାଙ୍କର ଡାଏପର ଚର୍ମପ୍ରଦାହ ଏକ ସାଧାରଣ ରାସ ଯାହା ଅଧାରୁ ଅଧିକ ପିଲାଙ୍କୁ ପ୍ରଭାବିତ ହୋଇଥାଏ | [୧] ଏହା ସାଧାରଣତ ୯ରୁ ୧୨ ମାସର ପିଲାମାନଙ୍କଠାରେ ଦେଖାଯାଏ ଏବଂ ଏକ ବର୍ଷରୁ କମ୍ ବୟସର ଚର୍ମ ସମ୍ବନ୍ଧୀୟ ସ୍ୱାସ୍ଥ୍ୟସେବା ପରିଦର୍ଶନର ଏକ ଚତୁର୍ଥାଂଶ କାରଣ ଅଟେ |[୩] ଡାଏପର ପିନ୍ଧାଯାଉ ନଥିବା ସଂସ୍କୃତିରେ ଏହି ରୋଗ କମ୍ ଦେଖାଯାଏ | [୫] ଡାଏପର ରାସର ପ୍ରଥମ ସ୍ପଷ୍ଟ ବର୍ଣ୍ଣନା ୧୯୦୫ ମସିହାରୁ ଆରମ୍ଭ ହୋଇଥିଲା, ଯଦିଓ ପୂର୍ବ ବର୍ଣ୍ଣନା ଅତି କମରେ ୧୮୮୭ରୁ ଥିଲା | [୬]