Siopao
Ang siopao o siyopaw (Tsinong pinapayak: 烧包; Tsinong tradisyonal: 燒包; Pe̍h-ōe-jī: sio-pau; pagbigkas sa Tagalog: [ˈʃupaʊ]), literal na mainit na bonete, ay Pilipinong uri ng Kantones na pinasingaw na bonete na tinatawag na cha siu bao (Jyutping: caa1 siu1 baau1).[1]
  Taas: Siopao na asado ; Baba: Panghimas na siopao na may palamang tsokolate | |
| Uri | Baozi |
|---|---|
| Kurso | Merienda |
| Lugar | Pilipinas |
| Pangunahing Sangkap | Baboy, harina, toyo, asin |
| Baryasyon | Asado, bola-bola, tinostang siopao, pinritong siopao, paowaw, iba pang baryanteng panghimagas |
| 330 kcal (1382 kJ) | |
| Mga katulad | Baozi (Tsina), Char siu bao (Tsina), Siu pao (Kapuluang Marshall), Salapao (Taylandiya), Manapua (Hawaii), Keke Pua'a (Samoa & Samoang Amerikano) |
| |
Paglalarawan
Ito ay sikat na meryenda na ibinebenta ng mga panaderya at manininda at sa mararaming Tsinong restawran at kainan sa Pilipinas. Mayroong iba't ibang uri ayon sa laman: asadong baboy o bola-bola (kumbinasyon ng baboy, manok, baka, hipon or inasnan na itlog ng pato). Mayroon ding inihurnong baryante.[2]
Isang natatanging baryasyon mula sa Pulo ng Siargao ang paowaw, isang panghimagas na bonete na may palamang bukayo.[3]
May lumang katha o maling balita na diumano'y gawa sa karne ng pusa ang siopao, dahil sa kamurahan nito at pagtatangi laban sa mga Tsino.
Sa mga ibang bansa
Mayroong magkatulad na deribatibo sa lutuing Thai na tinatawag na salapao (Thai: ซาลาเปา). Paminsan-minsan, pinapalamanan ang salapao ng matatamas na laman bilang panghimagas.[4] Paborito rin ito sa Hawaii kung saan tinatawag ito bilang manapua.
Tingnan din
- Cha siu bao
- Bāozi, ang Tsinong uri ng pinasingaw na bonete.
- Ma Mon Luk
- Talaan ng mga bonete
- Talaan ng mga pinasingaw na pagkain