Петабайт

2⁵⁰ байт зурлыгы кайчагында ялгыш «петабайт» дип атала. Әмма Халыкара электротехника комиссиясе бу хәлне дөрес түгел дип саный, чөнки «пета-» алкушымчасы байтны 2⁵⁰-гә түгел, ә 10¹⁵-ка тапкырлауны аңлата. Байтны 2⁵⁰-ка тапкырлау өчен дөрес була «пеби-» алкушымчасы белән куллану.

Шул рәвешле, 1 ПБ = 10¹⁵ Б, ә 1 ПиБ = 2⁵⁰ Б.

Кеше эшчәнлегенең төрле өлкәләрендәге мәгълүмат зурлыгын күрсәтер өчен «петабайт» төшенчәсе белән куллану мисаллары:

• Интернетта эзләү: Google көненә 24 петабайтка якынча мәгълүматлар эшкәртә;
• телекоммуникацияләр: америкадагы AT&T провайдеры челтәре аша атна саен 19 петабайт трафик уза^[1];
• физика: зур адрон коллайдерда ел дәвамында уздырыла торган экспериментларның нәтиҗәләренең зурлыгы 4 петабайтка җитә;
• архивлар: 2014 елның 29 маенда archive.org-ның серверлары Интернеттан 40 петабайтка якынча мәгълүмат күчереп алды^[2]; АКШ Конгрессының Китапханәсе архивлары (шулай ук видео һәм аудио мәгълүматларны да исәп алсаң) 3 петабайттан артык мәгълүматлар үзенә кертә^[3];
• файллар белән алышу: 2016 елда Rutracker.org трекеры аша күчереп алыр өчен 3,2 петабайтка якын күләмле файллар булган^[4];
• компьютер графикасы: «Аватар» (2009, АКШ) фильмы өчен махсус эффектлар төзегәндә Weta Digital компаниясе бер петабайттан артык диск киңлеген кулланышка керткән^[5][6];
• уеннар: 2009 елда Blizzard фирмасы вәкилләре World of Warcraft онлайн уены серверлары эшләве өчен файдалана торган ресурслар турында сөйләде: 75 000 процессорлар; 1,3 петабайт диск киңлеге; 4600 кеше (хезмәт күрсәтү персоналы)^[7].

• Пета-
• Бит
• Байт
• Машина сүзе