انوشکا شیٹی

انوشکا کی پیدائش 7 نومبر 1981ء کو بنگلور میں ہوئی تھی۔ ان کا پیدائشی نام سواتی شیٹی تھا۔^[10] ان کی والدہ کا نام شویتا شیٹی اور والد کا نام وٹھل شیٹی ہے۔^[11] انوشکا کے بھائی رمیش شیٹی كاسمیٹك سرجن ہیں، انوشکا نے ابتدائی تعلیم بنگلور میں حاصل کی، بعد میں انوشکا نے بنگلور کے ماؤنٹ کرنل کالج سے بی ایس اسی کی پڑھائی بھی کی۔^[12] انھوں نے اپنے کیریئر کا آغازیوگا استانی کے طور پر کیا، لیکن اس کام کے دوران انھیں فلموں میں کام کرنے کی پیشکش ہوئی جنہیں انھوں نے قبول کیا۔ 2005ء میں پوری جگن ناتھ فلم سوپر سے اپنے فلمی زندگی کا آغاز کرنے کے بعد انوشکا نے پھر کبھی مڑ کر نہیں دیکھا۔ فلموں میں آنے کے پہلے انوشکا کا سفر آسان نہیں تھا، انھوں نے خود کو سب کے سامنے ثابت کیا اور جنوبی بھارتی فلموں میں نام کما یا۔ فلموں کے آنے کے بعد انوشکا کی قسمت رنگ رہی اور انھیں بڑے بجٹ کی فلموں میں کام کرنے کا موقع ملا، انھوں نے 2006ء میں وکرماکرڈو اور 2007ء میں جنوبی ہندوستان کی فلم ڈان میں کام کیا تو وہیں 2010ء تک سنگھم، رگڑا، کنگ اور سوريم جیسی جنوبی بھارتی سپر ہٹ فلموں میں کام کرکے بہت نام کما لیا۔ 2009ء میں اروندھتی فلم میں اپنے کردار کو ادا کرنے کے لیے انوشکا کو جہاں کافی تعریف ملی وہیں 2010ء میں ہی انھیں فلم اروندھتی اور ویدم کے لیے فلم فیئر اور سنیماایوارڈ اور نندی ایوارڈ ملے۔^[13][14]

2010ء میں ان تمل فلموں میں بھی کامیابی ملی، انوشکا نے 2010ء میں ہی تامل فلم سنگھم میں کام کیا تو وہی 2013ء میں بھی سنگھم 2 فلم میں کام کرنے کا موقع ملا۔ انوشکا نے وانم، مرچی، لنگا، باہوبلی اور ردھرمادیوی جیسی سپر ہٹ جنوبی بھارتی فلموں میں کام کیا ہے۔سن 2015ء میں انوشکا نے ایک بار پھر سب کی توجہ تب بنی جب انھوں نے 33 برس کی عمر میں 2015ء کی سپر ہٹ فلم باہوبلی میں ملکہ رودرمت یعنی اداکار پربھاس کے ماں کا کردار کو نبھایا، یہ فلم 2015ء کی نہ صرف صرف سب سے سپر ہٹ فلم رہی بلکہ اس نے باکس آفس پر کمائی کے سارے ریکارڈ توڑ دیے۔ 2015ء کے اواخر میں ریلیز ہونے والی بارہویں صدی عیسویں کے کاکاٹیا خاندان کی ملکہ کے دور حکومت کی عکاس فلم ردھرما دیوی میں اداکارہ انوشکا شیٹھی نے مرکزکی کردار ادا کیا اس فلم میں ان کے ساتھ رانا دگوبتی ،اللو ارجن بھی شامل تھے۔آج انوشکا شیٹی بنیادی طور سے جنوبی بھارت کی سپر اسٹار ہیروئن ہے، انھوں نے تامل اور تیلگو فلموں کے بڑے اداکار مثلاً رجنی کانت، ناگ ارجن، نند مورتی بالکرشنا، مہیش بابو، اللو ارجن، رانا دگوبتی، وجے، سوریا، روی تیجا کے ساتھ کام کیاہے۔^[15] انوشکا کے مستقبل کی فلموں کی بات کی جائے تو وہ فی الحال ساز زیرو فلم کے لیے کام کر رہی ہے، جو جلد ہی باکس آفس پر ریلیز ہوگی۔ اس کے علاوہ انوشکا باہوبلی کے دوسرے اور سنگھم کے تیرے سیکوئیل میں بھی نظر آئیں گی۔ انوشکا اینٹیكس ایکوا اسمارٹ فون کی برانڈ ایمبیسڈر بھی ہے اس کے علاوہ انھوں نے کئی اشتہارات میں بھی کام کیا ہے۔^[16]

• بھارتی فلمی اداکارا ؤں کی فہرست

فہرست جنوبی بھارتی فلم اداکارائیں

• انٹرنیٹ مووی ڈیٹابیس (IMDb) پر انوشکا شیٹی

• انوشکا شیٹی فیس بک پر  
• انوشکا شیٹی ٹویٹر پر