قابوس بن سعید

قابوس بن سعید بن تیمور آل سعید (انگریزی: Qaboos bin Said al Said، عربی: قابوس بن سعيد آل سعيد، (بلوچی: قابس بن سعید آل سعید)‏ ^[8])سلطنت عمان کے سابقہ سلطان تھے۔انھوں نے 50 سال تک اپنے ملک عمان کی خدمت کی اور اسے ترقی کی راہ پر گامزن کیا۔

صاحب جلال
قابوس بن سعید
(عربی میں: قابوس بن سعيد بن تيمور آل بو سعيدي)
معلومات شخصیت
پیدائش	نومبر 1940 (عمر  سال) صلالہ، سلطنت عمان
وفات	10 جنوری 2020ء (80 سال)[1][2][3]  السیب [4]
وجہ وفات	قولن سرطان
طرز وفات	طبعی موت
شہریت	عمان
مذہب	اباضیہ
زوجہ	سیدہ نوال بنت طارق (1976–1979)
والد	سعید بن تیمور
والدہ	میزون بنت احمد
خاندان	آل سعید
مناصب
سلطان عمان [5][6]
برسر عہدہ 23 جولا‎ئی 1970  – 10 جنوری 2020
سعید بن تیمور   ہیثم بن طارق آل سعید
دیگر معلومات
مادر علمی	رائل ملٹری اکیڈمی سینڈہرسٹ
پیشہ	مقتدر اعلیٰ
مادری زبان	عربی
پیشہ ورانہ زبان	عربی ،  انگریزی ،  جاپانی ،  چینی زبان ،  جرمن ،  ہسپانوی ،  فرانسیسی
عسکری خدمات
شاخ	برطانوی فوج
عہدہ	فیلڈ مارشل
اعزازات
رائل وکٹورین چین (2010) جواہر لعل نہرو ایوارڈ (2004)[7]  گرینڈ کراس آف دی لیگون آف ہانر (1989)  جی سی بی (1982)  نائیٹ گرینڈ کراس آف دی رائل وکٹورین آرڈر (1979)  آرڈر آف دی نیل (1976)  نائیٹ گرینڈ کراس آف دی آرڈر آف سینٹ مائیکل اینڈ سینٹ جورج (1976)  نشان عبد العزیز السعود   (1971)  آرڈر آف دی باتھ  آرڈر آف سینٹ مائیکل اور سینٹ جارج    رائل وکٹورین آرڈر  آرڈر آف اسابیلا دی کیتھولک  وسام عمان  ستارہ جمہوریہ انڈونیشیا  نشان پاکستان
دستخط
	IMDB پر صفحات
درستی - ترمیم

 سلطان قابوس کی خدمات

1970 ء میں عمان کا تخت سنبھالنے والے سلطان قابوس 18 نومبر 1940ء کو عمان کے شہر صلالہ میں پیدا ہوئے۔گذشتہ طویل عرصے سے سلطنت عمان پر حکمرانی کرنے والے سلطان قابوس نے ابتدائی تعلیم عمان سے ہی حاصل کی۔انھوں نے 1960ء میں  برطانوی شاہی ملٹری اکیڈمی میں شمولیت اختیار کی اور پھر مغربی جرمنی میں برطانوی فوج میں کچھ عرصہ تربیت حاصل کی۔1964ء میں آبائی وطن واپس آئے اور یہاں انھوں نے اپنا زیادہ تر وقت اسلامی قانون اور عمانی تاریخ کے مطالعہ میں صرف کیا۔1970ء میں 29 سال کی عمر میں انھوں نے اپنے والد سید بن تیمور کا تختہ الٹا تھا جس کے بعد تیل کی دولت کا استعمال کرتے ہوئے انھوں نے عمان کو ترقی کی راہ پر گامزن کر دیا۔دلچسپ بات یہ ہے کہ سلطان قابوس بن سعید عمان کے تمام اہم اور بڑے عہدوں پر خود فائز رہے۔ وہ سلطنت عمان کے سلطان کے ساتھ ساتھ وزیر اعظم، آرمی چیف، وزیر دفاع، وزیر خزانہ، وزیر خارجہ اور اسٹیٹ بینک کے گورنر بھی رہ چکے ہیں۔سلطان قابوس غیر شادی شدہ تھے اور ان کا کوئی وارث یا نامزد جانشین نہیں تھا۔ ان کا کوئی دوسرا بھائی بھی نہیں ،البتہ ایک بہن ہے۔سلطان قدوس کو ان کی بہترین سیاسی ، اقتصادی ، عسکری، سماجی اور ثقافتی خدمات کو عالمی سطح پر بھی سراہا گیا اور بیشتر ایوارڈز سے بھی نوازا گیا۔سلطان قابوس کی خدمات سلطان قابوس کو 2001ء میں حکومت پاکستان کی جانب سے نشان پاکستان کا اعزاز دیا گیا تھا جبکہ 2004ء میں جواہر لعل نہرو ایوارڈ بھی دیا گیا۔اکتوبر 2018ء میں سلطان قابوس نے اسرائیل کے وزیر اعظم بینجمن نیتن یاہو کا  سلطان کی دعوت پر دورہ تاریخی اہمیت کا حامل ہے۔نیتن یاہو گذشتہ 20 برس کے دوران عمان کا دورہ کرنے والے پہلے اسرائیلی وزیر اعظم تھے۔نیتن یاہو دورہ عمان کے دوران سلطان قابوس کی شخصیت اور ان کی دور اندیشی سے کافی متاثر ہوئے تھے۔

وفات

عمان کے سلطان قا بوس بن سعید 79 برس کی عمر میں وفات پا گئے۔ مقامی میڈیا کے مطابق سلطان طویل عرصے سے علیل تھے اور کینسر کے مرض میں مبتلا تھے وہ گذشتہ ماہ میں ہی بیلجیم سے طبی معائنے اور علاج کے بعد وطن واپس آئے تھے۔