Robete
Li robete (on dit eto; li lapén, li conin), c' est ene aclevåve biesse ås tetes del famile des robtidîs.
Sincieus no d' l' indje : Oryctolagus cuniculus (robete d' Urope).
Li såvadje robete, c' est l' mime biesse, mins avou on prôpe vicaedje.
Dimorance
Les robetes sont-st aclevêye dins des cadjes, lomêyes garenes.
Magnaedje
I magnnut des verdeures et des yebes (raecenes, clåve, luzere, paxhnådes). Dins les cinses robetreces, c' est des alimints atchtés tot fwaits.
Les robetes n' ont waire dandjî d' vitamenes B a cåze do rmagnaedje des molès petales.
Mopliyaedje
Li frumele fwait 5 a 8 djonnes. Ele rest al tchôde li samwinne ki shût li djonnlaedje. On pout sinte k' elle est plinne tot tåstant li vinte après 15 djoûs.
Les donnes vinèt-st å monde sins pwels (ni-rafiyants). I sont spanis a 25 djoûs. Adon, on mete ene caisse di djonnlaedje dins l' cadje pol mere dedja aprester s' ni, pol djonnlaedje ki vént.
Li plinnisté deure 30 djoûs
Raeces di robetes
- Adjeyant des Flandes
- Angora
Maladeyes
Loukîz a : Maladeyes des robetes
- Peumoneye
- Coccidiôze do foete
- Coccidiôze des boyeas
- Micsomatôze
- Sonnante cervelite
- Rogne des orayes
- Rogne do coir