Kelinci
| Kelinci Kalamangsa: Eosen Wekasan-Holosen, 53–0 Ma | |
|---|---|
 | |
| Kelinci ing Montana, Amérikah Sarékat | |
| Klasifikasi ngèlmiah | |
| Karajan: | Animalia |
| Filum: | Chordata |
| Subfilum: | Vertebrata |
| Klas: | Mammalia |
| Ordho: | Lagomorpha |
| Famili: | Leporidae sapérangan |
| Genera | |
| |
Kelinci kalebu bangsaning Mamalia utawa kéwan nyusoni, lan tansah sapaduluran karo Truwèlu lan Pika.[1] Kelinci wis kasebar saindhenging jagad kajaba ing tlatah Antartika.[1] Jeneng latiné ya iku Oryctolagus cuniculus.[1] Kelinci bisa nglairaké anak kurang luwih nganti ping 5-7 saben setaun.[1] Cacahé anaké kelinci saben nglairaké ya iku 5-8 kelinci.[1] Rata-rata saben manak kelinci nglairaké anak cacahé 6.[1]
Tetengering Kelinci
Kelinci boboté bisa nganti 5 kilo yèn dadi raja kaya, lan ing alas mung nganti 3,5 kilo.[2] Kelinci duwé|duwé kuping dawa kang bisa dianggo ngrungokaké swara saka kadohan, rupané lucu dadi bisa didadèkaké dolanan utawa klangenan.[2] Kelinci uga duwé sikil kang kuwat kanggo mencolot lan awaké buntek tur lucu.[2]
Anakané kelinci lumrahé lair ora duwé wulu lan wuta, ora kaya anaké truwèlu.[2]
Uriping Kelinci
Kelinci ing alas lumrahé urip ing bolongan-bolongan siti, utawa wit-witan.[2] Kelinci alasan utawa kelinsi alasan lumrahé ngedhuk lemah kanggo susuhané lan ngasuh anak-anaké ing kana.[2] Uga, kelinci misuwur amarga cacah lairé kang dhuwur banget.[2] Kelinci wis bisa kawin wiwit umur wulanan lan bisa meteng 31-35 dina.[2] Anak kang dilairaké bisa loro nganti 12 iji.[2]
Kelinci uga kéwan kang paling énggal ngepaské kahananing alam, dadi rikat duwé anak.[2] Ing Australia, saking akèhé, kelinci wis dadi ama kang nyusahaké amarga mangani asil kebon para tani ing kana.[2]
Pakan
Kelinci kalebu ''hèrbivor'' utawa mangan tetuwuhan.[3] Ing peternakan, kelinci saliyané dipakani tetuwuhan, dhèwèké uga dipakani pèlèt lan campuran-campuran tambahan kanggo kesehataning kéwan iki.[3] Suket, wortel, kangkung, lan sapanunggalané apik kanggo uripé kelinci.[3]
Jinising Kelinci
Kelinci saindhenging jagat rupa-rupa, ana kang jinis buntut kapas, angora, nganti ana kang wuluné dawa. Ing Indonésia, kelinci akèh-akèhané diimpor saka nagara|nagari manca.[4]
Kelinci ing uriping manungsa
Kelinci lumrahé didadèkaké kéwan raja kaya, kanggo pakan, nganti dadi klangenan.[4] Kelinci kang didadèkaké panganan lumrahé nduwé ukuran kang gedhé, lan kang dadi klangenan lumrahé nduwé wulu kang apik.[4] Panganan saka daging kelinci kang paling misuwur ya iku saté kelinci.[4]
Ternak kelinci
Méh kabéh hasil saka ternak kelinci bisa dimanfaataké, kalebu kotoran lan urine.[5] Asil kang dimanfaatke iki bisa langsung dimanfaatké utawa diolah dhisik.[5]
- Karkas: daging kelinci kanthi kualitas apik bisa kanggo sumber gizi lan sumber protéin. Mulané saiki akèh kang dodolan ''hotplate'' saté kelinci, bakso kelinci, lan liya-liyané.[5] Balung kelinci uga bisa digawé glepung kang bisa kanggo pakan ternak.[5]
- Kulit lan sikil: kulit kelinci bisa dimanfaataké kanggo bahan kanggo nggawé topi, jaket, rerenggan dinding, tas, sepatu, alas, gantungan kunci lan pelapis perabot rumah tangga.[5]
- Endhas: endhas kelinci bisa kanggo pakan kéwan kaya ta asu, kucing, lan liya-liyané.[5] Saliyané iku, utek kelinci uga bisa dimanfaataké kanthi digawé vaksin tumrap perusahaan farmasi.[5]
- Kotoran lan urin: kanggo bahan nggawé gas methane, média kanggo nandur jamur, kanggo bahan pupuk kompos, lan urin kelinci bisa dimanfatké kanggo pupuk kembang anggrék.[5]
Cathetan suku
Gladri kelinci
kelinci
kelinci lucu
kelinci apik
truwelu
gambar kelinci
rabbit
Gladri asil olahan kelinci
mi ayam kelinci
mi goreng kelinci
mi goreng bakmi kelinci
sate kelinci lagi dibakar
sate kelinci
| Wikimedia Commons duwé médhia ngenani Rabbits. |