帛琉

帛琉（英文：Palau，粵讀：baak⁶ lau⁴）係太平洋島國，首都梅萊凱奧克^[1]。

史

帛琉響1783年俾葡萄牙人發現^[2]，無幾耐就俾西班牙人統治，1899年又俾西班牙賣咗比德國。響第一次世界大戰之後俾日本託管，第二次世界大戰之後又俾美國統治過，最後喺1994年10月1號正式獨立^[3]。

帛琉總統係國家最高元首^[4]，每四年由人民選舉產生。

帛琉全國分做16個州^[5]。除咗最大嘅主島群分做14州之外，其他嘅堡礁再按南北分做兩個州。

帛琉由一個大堡礁同好多嘅島或者堡礁構成^[6]。嗰道有好多珊瑚^[7]，又有好多由海洋生物嘅屍體沉降累積而成嘅石灰岩。全國有三分之二嘅人口響科羅爾住。

響帛琉有好多熱帶雨林同山^[8]，亦都有野生紅樹林同埋熱帶大草原。

帛琉有唔同種類嘅海底生物^[9]，比如超過1,500種魚、700種珊瑚同海葵，亦都有海龜、鯊魚、海蛇等等。爬行類動都有好多，重可以見到幾十種雀仔^[10]同一尐無毒嘅蛇類。

帛琉氣候屬於熱帶雨林氣候，全年平均溫度係30℃左右^[11]。全年都係雨季，平均濕度82%，但係好少受到熱帶氣旋影響。

帛琉三分之二嘅居民信奉基督教，當中天主教徒佔大多數，其餘嘅信其他新教派系。除咗基督教之外，當地一種叫做Modekngei嘅地方宗教都好流行。

當地嘅官方語言係英文同帛琉文^[12]，其中有三個州官方語言係地方語言。而響安加爾島上面，日文曾經係官方語言，但係家陣全島80人都講英文。