業

業jip6，印度思想概念，指人一切所思所行，所作所為。個概念好早就有，見於吠陀時，遍於印度種種宗教，如印度教、耆那教、佛教、錫克教，隨佛教傳來中土，道教都有業嘅說法，及至日本，神道教都有。業嘅解釋，唔同宗教各有說法。有啲生出善惡嘅講法，所謂善有善報，惡有惡報，即善惡果報。行善得善果，得好報，來世生得好。行惡得惡果，得惡報，來世生得壞。有啲業包埋行事用意，用意好壞都計入去。佛教視業為因，亦為果，會生生不斷。

業，取自梵文कर्मन्，音karman，而一般常見karma，即梵文कर्म，文法中另一變化，故有音譯羯磨同羯摩。