洋涇浜

洋涇浜（粵拼：joeng4 ging1 bong1）或者叫洋徑濱，指唔同種語言溝埋而形成嘅混合話，語言學上係一臨時性嘅語言變異，由唔同語言嘅人群交流產生，係語言發展嘅一個階段。所以同歸融話唔同，佢無固定嘅語音、辭彙同文法。通常係以講嘢個人本身母語嘅語序，再套入其他語言嘅辭彙咁講（見Relexification），算唔算得上係語言，都有得拗。例如上海嘅洋涇浜英文咁計，佢就係用上海話嘅語序，再配上英文嘅辭彙來講。洋涇浜一旦作為母語傳遞，或者由一個社區用來交流，詞彙逐漸擴大，發展出更嚴密嘅文法，就演變成一種社區混合語或歸融話。

洋涇浜係一種世界性嘅語言現象，通常係由於大量移民或者殖民，外來人同本地人用唔同語言，溝溝吓就溝出嚟。