借詞

喺語言學上，「借詞呢個概念要點定義」查實係條有啲爭議性嘅問題，尤其係「借詞同語碼轉換之間條界線喺邊？」嘅問題^[7]。

語碼轉換^{[歐 1]}係一種常見嘅語言現象，指一個人講嘢嗰陣用多過一種語言或者語言變體^[8]，例如香港人就出嗮名興講嘢嗰時粵英夾雜^[9]。但問題嚟喇，想像有個人，佢嘅母語係廣東話，由細到大都講開，而家佢做咗大學講師，要用廣東話嚟教語言學。佢喺一堂開始嗰陣講出^{[註 1]}

噉嘅句子。到底呢個人係講嘢語碼轉換吖？定係應該話廣東話有咗隻借詞呢？

1. 語碼轉換觀點：「呢個人講嘢粵英夾雜，lung1 woet1 係因為廣東話音系咁啱有個音似英文 loanword 個音，所以個人用廣東話化嘅方式讀呢隻英文字，就出咗句噉嘅句子。」^{[註 3][10]}
2. 借詞觀點：「口講嘅語言同寫嘢用嘅文字有陣時未必能夠完美配合。lung1 woet1 呢種情況就好似個『𨋢』字噉：廿世紀嘅粵人第一次見到𨋢呢種物體嗰陣，未有廣東話字可以指呢樣事物，所以佢哋就模仿英文 lift（/lɪft/）整咗隻口語借字 lip1 出嚟，打後佢哋再發明𨋢呢隻新嘅漢字，攞嚟寫 lip1 呢隻口語字，lung1 woet1 都係噉，係一隻廣東話由英格蘭話度借過嚟嘅新字詞，不過蹔時未有漢字可以寫佢噉解，而家可以攞拼音寫頂住檔先。等多十零年啦，到時就會整新嘅漢字出嚟寫隻詞。」

－兩種觀點都畀人覺得佢有啲道理。由呢個例子可見，借詞同語碼轉換之間嗰條分界，未必吓吓都係咁明確^[11]。

珠江三角洲由明朝（14 至 17 世紀）起就成日同西人打交道，而且香港同澳門又分別係前英國殖民地同前葡萄牙殖民地，所以廣東話自然出嗮名多借詞，尤其係多嚟自英格蘭話嘅借詞。

英文

以下係廣東話入面嚟自英文嘅借詞一覽^[3][12]：

日常詞彙

飲食詞彙

演藝詞彙

休閒詞彙

返工詞彙

工程詞彙

IT 詞彙

葡國話

澳門受葡治同時亦都引入葡國話到澳門粵語^[16]：

第啲話

仲有一啲其他詞可能來自其他話，比如

• 「唥laang1」（葡文：lã / 法文：laine）、
• 「咖啡gaa3 fe1」（葡文：café / 法文：café）^{[註 9]}、
• 「蛋撻」（ 法文：tarte / 英文：tart）

等等。可能受法屬印支影響，其他埞方有啲詞都可能跟法國話來，比如「玭HL:bi3 / 波珠玭bo1 zi1 bi3 / 玻璃玭bo1 li1 bi3」（法文：bille）。

借詞現象可以有好多起因：首先，啲人做學術嘢嗰陣，成日都會發覺自己隻語言冇字詞對應某個概念，於是就走去借外文啲詞，例子可以睇吓英格蘭話成日借古希臘文嘅字詞嚟講哲學嘢；另外，事實表明某啲語言整文化產物嘅力量比較大，往往會吸引第啲語言嘅群體消費佢哋啲文化產物，而消費佢哋文化產物嘅群體好有可能會由佢哋語言度攞借詞；除此之外，啲有強烈多語現象嘅社會－好似係粵英薈萃嘅香港噉－都被指係易見到啲語言之間將啲字詞借嚟借去^[2][17]。

概念分類

有啲語言學家仲有對借詞作出分類，通常係按「借返嚟嗰隻字有幾本土化」^{[歐 2]}嚟做分類嘅指標。事實表明，一個人講或者寫母語以外嘅語言嗰陣，成日都會不自覺噉滲雜咗啲母語嘅特性喺入面。而噉就表示，啲人由第啲語言度借一隻字詞嗰時，好少可會做到完美噉用外語發音講嗰隻字詞。基於呢點，有語言學家主張借詞可以分類做^[2][18]：

• 引入^{[歐 3]}
  • 完全外來^{[歐 4]}（唔本土化）：指啲人唔單只攞隻字嚟用，而且仲原汁原味噉用返來源語言噉嘅發音嚟讀隻字詞，例如英格蘭話由法國話度借咗 café（粵化讀音：kaa1 fei4）－指咖啡室噉解－呢隻字過英格蘭話嗰度，仲用返原本法國話發音嚟講隻字。
  • 借詞（「真正」嘅借詞－隻字詞本土化咗）：啲人借隻字過嚟，但將佢嘅讀音同串法^{[註 10]}本土化，例如英格蘭話 music（音樂噉解）嚟自古代法國話 musique ^[19]－英格蘭人唔淨只將個發音「英格蘭話化」咗，佢哋寫起隻字上嚟仲將個串法似法文嗰橛（-ique）拎走，形成明顯冇咁似法文嘅羅馬字串 music。
• 借融^{[歐 5]}：產生一隻新字詞，隻新字詞其中一橛嚟自外語、另外嗰橛就係用本土已有嘅字詞；可以睇返上面提到嘅「奶昔」呢隻廣東話詞－當中昔sik1取自英格蘭話 milkshake 嘅第二個音節，而奶naai5就係一隻廣東話本土已有嘅字。
• 取代^{[歐 6]}
  • 借創^{[歐 7]}
    • 借成^{[歐 8]}
      • 借譯^{[歐 9]}：攞住原語文嗰隻字，將隻字每個元件都意譯做自己語言；例如士多啤梨喺標準官話入面係譯做草莓（普通話拼音：cǎo méi）呢隻漢字詞嘅，當中草大致對應英格蘭話 straw 而莓對應英格蘭話 berry－草莓一詞由兩橛組成，兩橛各自意譯噉對應英格蘭話隻字其中一橛，最後兩橛結合埋一齊，成一隻新詞。
      • 借現^{[歐 10]}：攞住原語文嗰隻字，將隻字其中一啲元件意譯，淨低嗰啲部份就加入自己嘅嘢。
  • 借意^{[歐 11][註 11][2]:4.2.5}：指「淨係借個意思」，即係用一隻本土已有嘅字詞，嚟指一個新引入嘅意思。

Info：廿一世紀日文嘅借詞書寫法

廿一世紀嘅日文都好多英文借詞。日文嘅書寫系統有片假名^{[歐 12]}呢家嘢，日本人通常會攞呢種文字嚟寫啲外來詞^[20][21]，例如日本人响廿世紀嗰陣接觸到西人嘅文化產物，發現西方文化入面嘅龍形象同日本傳統嘅龍（睇埋東方龍）好唔同，佢哋想強調返呢樣分別，於是^[22]

佢哋攞住 dragon 呢隻英文字；

用日本話嘅口語講 doragon 呢隻字（借詞配合返日本話嘅音系）；

再用片假名寫 doragon 出嚟^{[註 12]}

• ド：do、
• ラ：ra、
• ゴン：gon

－最後就有咗ドラゴンdoragon呢串日文文字可以書寫，專指西方龍。除此之外，仲有好多現代日文字嘅借詞^[20]

• カメラ（kamera）－camera；
• タクシー（takushī）－taxi；
• クリック（kurikku）－click；
• アイスクリーム（aisukurīmu）－ice cream；
• ワイン（wain）－wine；
• ミルク（miruku）－milk

... 呀噉，都係用片假名寫嘅。

借詞呢種現象同文化嘅交流同演變（睇埋文化進化）有密切嘅啦掕，係文化交流演變嘅必然結果。

例如想像而家有兩個語言文化唔同嘅群體交流，群體 A 由群體 B 度引入咗種生果。群體 A 打前未見過呢種生果，佢哋發覺到呢種生果唔似任何一種佢哋見過嘅生果，所以佢哋語言入面冇字指呢種生果；但同時又佢哋好鍾意呢種生果想攞嚟買賣；噉佢哋就有必要做一樣嘢先－搵隻字嚟嗌呢種生果；喺呢個時候，群體 A 可以會索性問群體 B 一條問題－「呢種生果叫乜名？」；群體 B 會用佢哋嘅語言嚟答，然後群體 A 就好有可能會借嗰隻字嚟用，最後形成一隻借詞^[5][23]。噉嘅文化交流仲可能會影響埋語言以外嘅文化，例如群體 A 攞住呢種生果，可能會用嚟做新嘅食材發明新嘅餸菜，而呢點有可能對群體 A 嘅煮食文化造成影響。

因為噉，除非一隻語言與世隔絕得好交關，否則就實會或多或少噉有啲借詞。好似係英文噉：有估計話現代英文入面有成 80% 嘅字都係借詞^[24]，當中仲不乏啲日常生活會用到嘅字，例如頭先提到嘅 café 噉^[25]；而且英文亦都出咗名會由第啲語言度借行話詞彙嚟用，例子可以睇吓

• 樂理等嘅音樂領域零舍多嚟自意大利文嘅字詞，例如係 tempo（指首音樂有幾快）或者歌劇嗰啲聲種概念... 呀噉^[26]；
• 芭蕾舞詞彙好多嚟自法文嘅字詞，例如舉世聞名嘅旋轉舞步 piroutte 個名就嚟自法文旋轉噉解^[27]；同埋
• 多門嘅哲學好多嚟自古希臘文嘅字詞，例如 epistemology（指知識論，即係研究知識本質嘅哲學思考）呢隻英文字就係嚟自古希臘文 episteme－即係古希臘文知識噉解；

－噉係因為近幾個世紀嘅意大利同法國分別將古典樂同芭蕾舞搞到有聲有色，而古希臘不溜都出嗮名出咗好多有料到嘅哲學諗頭；所以英格蘭人就大舉攞呢啲唔係英文嘅詞彙，將嗰啲字詞當正係英文字噉嚟用。

意思走樣

一隻語言引入外來詞嗰時，有可能意思會明顯噉走樣^[1]。

喺文化交流嘅過程當中，啲人有陣時會因為擺烏龍等嘅原因，改變咗啲外來概念嘅意思。例如日文入面嘅バbaイiキンkinグgu（羅馬化：baikingu）就好出名，個故仔據講係噉嘅^[28][29]：

• 响廿一世紀初，バイキング呢隻字會畀日本人攞嚟指自助餐－原則上，日本人一般會用 b 噉嘅音嚟對應外文字詞入面嘅 v 音，所以 biking 噉嘅日本話發音會對應嘅外文字詞會係 viking－即係英文入面維京人噉嘅意思；
• 話說事源喺 1957 年，當時日本廚師村上信夫^{[歐 13]}想將自助餐呢家嘢引入去日本，走咗去丹麥哥本哈根取經；
• 村上先生學咗 smorgasbord（發音：[ˈsmœ̂rɡɔsˌbuːɖ] ( 聽)；簡化噉講就係瑞典同丹麥等嘅北歐地方整自助餐嘅方法）之後，就想返日本開餐廳搞自助餐；首先，村上先生有必要搵返隻日文字嚟指自助餐呢樣嘢，仲要同佢間餐廳改返個名，但 smorgasbord 呢隻字要變做日文好難；村上先生諗咗吓，當時日本人普遍對維京人－都係嚟自北歐嘅一樣嘢－呢個概念有咗啲認識，有「維京人好強悍」噉嘅印象，於是村上先生就決定嗌佢間餐廳做バイキング－嚟自英文字 viking；

打後村上先生間餐廳非常成功，吸引日本人廣泛噉學佢種做法整自助餐，而バイキング呢隻字喺廿世紀後半橛嘅日本人心目中變咗做自助餐噉嘅意思。

• 出嗮名成日借詞畀第啲語言嘅語言^{[30]:p. 4}：
  • 英文：喺廿至廿一世紀有全球性嘅影響力；
  • 中古漢語：借咗好多字詞畀日本話同韓國話；
  • 梵文：借咗好多佛教概念方面嘅字詞畀漢語^[31]；
  • 阿拉伯文：借咗好多字詞畀伊斯蘭世界嘅其他語言，例如波斯話^[32]；
  • 古希臘文同拉丁文：出嗮名借好多學術方面嘅字詞畀各歐洲語言^[2]:4.2.6，例如英格蘭話喺廿世紀嗰時就好興攞啲古希臘文同拉丁文嘅字，將呢啲字用英格蘭話噉嘅方式砌埋一齊，組成新嘅字，例子可以睇吓生物學同密碼學等多個學科嘅英文名。
• 英文維基嘅
  • 英文外來詞一覽
  • 日文外來詞一覽（留意篇文紀錄嗰啲字詞幾乎全部都係用片假名寫嘅）
• 翻譯
• 同源詞
• 偽字
• 口音

• （英文） English Words in Japanese: Do You Know Japanglish?，呢篇文講到日本人點樣用片假名寫啲英文字嘅音。
• （英文） World Loanword Database (WOLD)，呢個資料庫搜集咗世界各地多隻語言嘅借詞數據。