薯仔
薯仔(粵拼:syu4 zai2;學名:Solanum tuberosum),係茄科茄屬一種多年生嘅草本植物。原產地喺祕魯同玻利維亞嘅安第斯山脈,而家喺全球各地都可以搵到。佢既係安第斯文化嘅一部份,又有「萬能作物」同「第三麵包」嘅名。
薯仔 | ||||||||||||||||
---|---|---|---|---|---|---|---|---|---|---|---|---|---|---|---|---|
物種分類 | ||||||||||||||||
| ||||||||||||||||
Solanum tuberosum L. |
名
薯仔有好多個名,除咗粵語常用嘅「薯仔」之外,中華地方常用嘅名包括「馬鈴薯」、「洋芋」、「土豆」等等。
史
薯仔原本產自南美洲,係響16世紀由歐洲人將佢哋帶返歐洲。幾百年嚟薯仔係歐洲人嘅主要糧食。19世紀喺愛爾蘭薯仔田大失收,就餓死咗好多人。
薯仔大概響17世紀先至傳入中國,一般都係響內陸地區培植。薯仔響中國主要係做餸,唔當係主糧。
形態
呢種植物嘅莖係帶三角形嘅有毛品種;地下塊莖有圓形、卵形和橢圓形;外皮有紅色、黃色、白色同紫色;樹葉係互生、奇數羽狀複葉;花有白、紫、粉紅、紅等色。
適應環境
呢種植物鍾意喺比較凍同乾燥嘅天氣嗰度生,但佢唔禁強光同高溫天氣。
用途
薯仔含有大量嘅碳水化合物,同時重含有蛋白質、礦物質、維他命等等,而營養價值係胡蘿蔔嘅2倍、大白菜嘅3倍,番茄嘅4倍,尤其係維他命C比較多。既可以當做主糧,又可以當做蔬菜食用。但人通常食嘅係塊莖,而唔係佢嘅根。另外,薯仔重可以用嚟整澱粉、酒精、糊精、葡萄糖;甚至可以整橡膠、電影菲林、人造絲、香水等好多種工業品。
品種
馬鈴薯喺原產地就有幾百個品種,喺世界各地又不斷咁培養新品種,所以目前全世界就有幾千個品種,有含澱粉比例較高嘅,有適合作為主食嘅,亦都有適合作為蔬菜食用嘅。
種植同食用注意事項
呢種植物雖然有好多營養價值,但唔係諗住做乜就做乜:
文化
相
- 成棵薯仔
- 薯仔葉
- 薯仔塊莖
- 薯仔發芽
- 薯仔花
- 薯仔果
- 炸薯條
- 炸薯片
- 薯茸
- 焗薯
註
出面網頁
- 馬鈴薯 Malingshu—藥用植物圖像數據庫(香港浸會大學中醫藥學院)(繁體中文)(英文)
- 马铃薯 39健康
- 马铃薯 A+医学百科
- 马铃薯的热量和减肥功效 薄荷网
- 马铃薯 三九养生堂