蘇菲派

伊斯蘭教系列 伊斯蘭教

信仰

神嘅獨一性 先知 啟示之書 天使 宿命論 末日審判

習俗

證信 禮拜 齋戒 施捨 朝覲

典籍

典籍同法律 可蘭經 聖行 聖訓 沙里亞 （法律） 費格赫 （法學） 凱拉姆 （辯證）

歷史

歷史 年表 模罕默德 聖裔 薩哈巴 正統哈里發 伊瑪目教義 哈里發國 傳播 奴隸制度

教派

遜尼派 什葉派 蘇非派 伊巴德派 唯獨古蘭經 阿赫邁底亞 穆斯林運動 無教派

文化

學術 動物 藝術 曆法 細路 人口 女性主義 節日 清真寺 哲學 政治 改宗 科學 社會福利 婦女 LGBT

啦掕嘢

批評 第啲宗教 伊斯蘭主義 伊斯蘭恐懼症 詞彙

伊斯蘭教主題

蘇菲派（Sūfī）係伊斯蘭教入面一個神秘主義派系，大約7世紀末產生出嚟。呢一派信奉蘇菲主義（Sufism）學說。蘇菲，係亞拉伯話音譯自 Sūfī，原意係羊毛咁解，因為呢派嘅人都鍾意着粗毛衫而咁叫，不過亦有另一個解釋話係指清淨（Safa）同高位（Saff）。

佢哋以《古籣經》入面關於敬畏、順從、堅忍、讚諗跪拜等經文做依據，兼受新柏拉圖主義、諾斯替主義、印度瑜伽派加埋好多外來思想影響而演變出嚟。

蘇菲最先係由阿布哈希姆（Abū Hāshim）開始咁叫先。原本，伊斯蘭教係一個入世嘅宗教，以滿足現實生活需要為主，但總有啲人需要有精神生活需要，而蘇菲派初期正正就係因為有人不滿倭馬亞王朝奢侈作風，認為咁樣做造成腐化，於是根據聖訓，搵出一啲守貧、禁欲、苦行呢啲形式去實踐信仰，到咗8世紀開始有人學佢哋嘅生活方式同聽佢哋嘅教誨，最後形成一套以精神修煉為核心嘅出世信仰，通過冥想、靜思去達到人主合一境界。到13世紀開始有正式嘅蘇菲派社團出現，後來又有人話人主合一係無可能，最多只可以做到最接近真主嘅穆罕默德境界，於是喺18世紀又分咗「新蘇菲派」出嚟。

呢派人信仰特徵係佢哋會有啲行為好似食玻璃、走炭火、又或者聽住音樂一路跳舞一路狂轉圈咁。另外佢哋奉行導師制，由教團道統系導師向門人弟子傳教奧秘。

而家呢派主要活躍喺印度、巴基斯坦、蘇丹、埃及同北非。另外佢哋喺明末傳入中國之後，演變出門宦同道堂，新疆地區亦有以蘇菲主義為基礎嘅依禪派。