趙婷
趙婷（英文：Chloé Zhao，1982年3月31號—），喺北京出世，係喺美國做英文獨立電影嘅導演、製片人同編劇[1][2]。2021年，憑《浪跡天地》攞到第78屆金球獎最佳導演同第93屆奧斯卡金像獎最佳導演獎，係繼臺灣電影導演李安之後，第二位攞到金獅獎、金球獎同奧斯卡金像獎嘅唐人導演。
| 趙婷 | |||||||||||||||
|---|---|---|---|---|---|---|---|---|---|---|---|---|---|---|---|
 趙婷（2019年聖地亞哥國際漫畫展） | |||||||||||||||
| 導演 | |||||||||||||||
| 英文名 | Chloé Zhao | ||||||||||||||
| 出世 | 1982年3月31號 中華人民共和國北京 | ||||||||||||||
| 職業 | 導演，製片人，編劇 | ||||||||||||||
| 父母 | 趙玉吉（生父） 宋丹丹（繼母） | ||||||||||||||
| 活躍年代 | 2008年至今 | ||||||||||||||
| 網路電影資料庫（IMDb）資訊 | |||||||||||||||
| |||||||||||||||
早期生活
趙婷喺北京出世，老豆係首都鋼鐵公司前總經理趙玉吉，生母喺醫院返工[3]，後母係演員宋丹丹[4]。
趙婷細個嗰時已經性格開朗，鍾意睇漫畫、偶像係米高積臣，亦都鍾意睇王家衛啲戲[3]。佢十六歲去英國倫敦私立寄宿學校讀書[5][6]，喺2000年一個人搬去美國洛杉磯韓國城，喺當地嘅公立學校讀完高中課程，之後喺美國私立文理學院曼荷蓮學院政治學畢業，畢業之後打過散工，再之後入紐約大學帝勢藝術學院學製作電影，跟 Spike Lee 學嘢，期間識到之後變成攝影師同佢男朋友嘅Joshua James Richards[7][3]。
導演生涯
2015年，趙婷執導嘅第一條長片《哥哥教我唱的歌》喺日舞影展首映，係其中一條美國官方競賽片[8]。2017年，佢第二部導演電影《騎士》喺第七十屆康城影展嘅導演雙週單元放映，贏咗個藝術電影獎[9]；嗰條片得到嘅評價以正面居多，喺爛番茄上面持有98%嘅新鮮度[10]，同時令到佢出咗名。美國演員兼製片人法蘭絲麥杜雯喺2017年多倫多國際影展睇完《騎士》之後話即刻話要同趙婷合作，喺第二年三月嘅第33屆獨立精神獎頒獎典禮見面，協定改編《無依之地》[11]。
第三部長片《無依之地》喺2020年上映，喺第77屆威尼斯影展攞到最佳影片金獅獎[12]。佢亦都成為咗第一位攞到金獅獎嘅唐人女性。呢條片仲贏咗第78屆金球獎最佳劇情片同最佳導演，係金球獎最佳導演嘅第一位亞裔女性[13][14]、第二位亞裔（喺 2006年李安嘅《斷背山》之後）[15][16]、第二位女性（喺2009年嘉芙蓮 碧格露嘅《危機倒數》後面）[13][14]。
未來發展
2018年3月，有報道話亞馬遜影業會推出趙婷編導嘅一部傳記片，講美國史上第一個黑人法警 Bass Reeves 嘅事[17]。2018年9月，漫威工作室請趙婷執導漫威電影宇宙第廿六部電影作品《永恒族》[18]，條片預計會喺 2021年11月5號喺美國上映。
參攷
出面網頁
- 趙婷喺互聯網電影資料庫嘅資料（英文）
- 趙婷喺豆瓣電影嘅資料（簡體中文）
- 趙婷喺時光網嘅資料（大陸簡體）