飾藝風
飾藝風，講舊時時款趨向，美術、產品、木土都偏向表現機械[1]，講求對稱、幾何綫條、平滑、流綫形，好用人工物料。出自法文Arts Décoratifs，西文短稱Art Deco甚至Deco，得自一九二五年，巴黎現代裝飾美術及産業美術國際博覧會[2]。初見法國一戰前，二十世紀一十年代。歐美二十年代至高峯，三十年代末落。唔止歐美，個款亦見於全世界。
.jpg)
.jpg)
末落皆因世界大蕭條，而到二戰就無晒喇。呢段時間趨向更着重功能，更少裝飾[3]。
飾藝風並無一定準測，定義出來亦會互相矛盾，由此可知，祇不過籠統描述當時趨向。話就機械，有時石屎樓嵌入浮雕，有時當代傢俬工藝品嵌入名貴物料。
去到六十年代，就有過一陣復興[4]。時至今日都係靈感來源，珠寶、室內裝飾、時裝時有所現。而美國紐約當時所起摩天大廈，好似佳士拿大廈、帝國大廈咁，仍可見到飾藝風特色。
史
飾藝一字原於一八五八年法國。一八七五年， 匠人得到王家認可地位，傢俬、紡織、珠寶、玻璃等都受惠。甚至飾藝甚至變為王家學院名。一九〇一年成立飾藝人學會。嗰陣德國出口平價傢私，遇着法國民族主義，飾藝復興。一九一一年提出，一九一二年舉辦博覧會，要時款作品，唔要古式。推遲至一九一四年，又遇着打仗。至終一九二五年先搞得成。自此，飾藝就風行遍世界。
物料
新物料亦屬於飾藝風重要特色。
起屋改用石屎，起出來有更多變化。鋼筋石屎更加堅固，唔使咁多柱。
技術進步可以大量生產。窗更加大，更加堅固。
物品、傢俬、建築又開始用鋁，更加之輕。
設計
飾藝並非純機械形，有時亦會添入異國風情，中國、日本、印度、波斯、古埃及、瑪雅等。早期亦有混入天然物料，尤其特別兼奢華。後尾又有分成兩派，一派量產，一派逐件手工。