𢆡

中國北方叫𢆡做奶，因為呢個器官用來整奶汁乳水，所以同器官同奶個名係相通。台灣亦都流行叫𢆡做咪咪，國語發音似「秘密」。

古書叫乳（乳房簡稱）、奶（初刻拍案驚奇用過^[5]）、酥胸（金瓶梅用過^[6]）。

香港流行叫𢆡做：

• 波：波卽係球，來自英文ball，女人𢆡大似波而得名。個名亦傳到外地，中國大陸，臺灣，有時都噉叫。由波亦生出唔同字，形容𢆡，好似大波、微波、無波、八字波等。八字就唐字八字形，向兩𢆡外生也。
• 車頭燈^[7][8][9]：車頭燈膽插入反射燈罩後外形似𢆡而得名。
• 包^[7]：指圓包，唔係方包或條形包。
• 奶王包^[10]：卽奶中之王，述形而非色，所以「奶」後加「王」或「皇」而非「黃」。
• 奶樽^[10]：外形似𢆡而功能同而得名。
• 胸^[11]
• Cup^[11]：卽胸圍杯，屬婉轉稱。
• 峰^[12]：中國貴州貞豐縣有雙乳峰，外形似𢆡。^[13][14]山東乳山市亦有𢆡形山叫大乳山。^[15][16]

娛樂及風月新聞興用「東／南／西／北半球」、「內／外半側半球」等嚟借代𢆡嘅唔同部分。^{[17][18][19][20]}「北半球」亦單指𢆡^[21]，卽相對南半球（臀）。^[22]

𢆡亦有唔同形容法，好似大𢆡、細𢆡、墮𢆡咁。

因爲「𢆡」字唔係人人識寫，亦有用「蓮」字或者拼音「lin」代替。舊時色情架步，有妓女化爲大波蓮來引男人。

唔同動物嘅𢆡都唔同，形態各異。有啲動物多𢆡，而人就有兩𢆡。

人

人𢆡介乎肋骨二至六條之間。𢆡有彈性。後生女成半球，生育會令𢆡脹，停哺後會縮細。老人家有機會鬆墮，稱為墮𢆡。

女人𢆡除咗餵奶之用，亦係性徵，生得明顯，可以吸引男人。男女交合亦會摸𢆡以求快感。

家陣香港唔少後生仔都以為「𢆡」呢個字係解做𢆡頭，鬧出唔少笑話。