Koermandsji
Koermandsji (Koerdies: کورمانجی, Kurmancî,[2] letterlik: "Koerdies"),[3][4][5][6] ook Noord-Koerdies genoem,[1][7][8][9] is die noordelike dialek,[8] taal[10] of dialekgroep[11] van die Koerdiese tale wat veral in die suidoostelike Turkye, noordwestelike en noordoostelike Iran, noordelike Irak, noordelike Sirië, die Kaukasusstreek en Khorasan gepraat word.[12] Dit is die mees gebruikte variant van Koerdies en ook die moedertaal van die een of ander nie-Koerdiese minderheidt in Koerdistan soos Armene,[13] Tsjetsjniërs, Sirkassiërs,[14] en Bulgare.[15]
Koermandsji کورمانجی, Kurmancî | ||
---|---|---|
Gepraat in: | Turkye Irak Iran Sirië Armenië Azerbeidjan Georgië Turkmenistan | |
Gebied: | Wes-Asië | |
Totale sprekers: | 15 miljoen[1] | |
Taalfamilie: | Indo-Europees Indo-Irannees Irannees Wes-Irannees Noordwes-Irannees Koerdies Koermandsji | |
Skrifstelsel: | Arabiese alfabet, Latynse alfabet | |
Amptelike status | ||
Amptelike taal in: | Irak | |
Gereguleer deur: | geen | |
Taalkodes | ||
ISO 639-1: | ku | |
ISO 639-2: | ||
ISO 639-3: | kmr | |
Nota: Hierdie bladsy kan IFA fonetiese simbole in Unicode bevat. |
Die vroegste bekende opgetekende teks in Koermandsji dateer rofweg uit die 16de eeu en van die bekendste Koerdiese digters soos Ahmad Khani (1650–1707) het in Koermandsji geskryf.[16][5] Koermandsji word ook deur die Jesiede gebesig.[17] Hul heilige skrif, Mishefa Reş, en al hul gebede is in Koermandsji geskryf en word in dié taal gebid.[18]