Lena Meyer-Landrut

Lena Meyer-Landrut (Hannover, 23 Mei 1991), ook bekend onder haar verhoognaam Lena, is 'n Duitse sangeres. Sy het die 55ste Eurovision-sangfees in 2010, wat in die Noorse hoofstad Oslo gehou is, met haar lied Satellite vir Duitsland gewen.

Lena Meyer-Landrut
Lena in Oslo
Agtergrondinligting
Gebore	23 Mei 1991 (1991-05-23) (32 jaar oud) Hannover, Duitsland
Genres	Pop
Beroep(e)	Sangeres
Instrumente	Stem
Jare aktief	2010 — hede
Etikette	USFO, Universal
Webwerf	http://www.lena-meyer-landrut.de

Lena het met drie liedjies aan die nasionale finale rondte van die Eurovision-sangfees deelgeneem en 'n rekord in haar tuisland behaal nadat sy met al drie liedjies onder die top-vyf van die Duitse trefferlys was. Satellite het in April 2010 vir twee weke die nommer-1-posisie bereik^[1] en drievoudige goud en platinum gehaal.^[2] Ook haar eerste album, My Cassette Player, wat in Mei 2010 vrygestel is, het onmiddellik die nommer-1-posisie in Duitsland se album-trefferlys bereik.