Squid Game
Squid Game (Koreaans: 오징어 게임; RR: Ojing-eo Geim, Afrikaans: Inkvisspeletjie) is 'n Suid-Koreaanse oorlewingsdrama TV-reeks wat op Netflix stroom. Dit word geskryf en geregisseer deur Hwang Dong-hyuk, met Lee Jung-jae, Park Hae-soo, Wi Ha-joon, Jung Ho-yeon, O Yeong-su, Heo Sung-tae, Anupam Tripathi en Kim Joo-ryoung.[1] Die reeks, versprei deur Netflix, is op 17 September 2021 wêreldwyd vrygestel.[2][3]
Die reeks fokus op 'n wedstryd waar 456 spelers, uit verskillende lewensterreine, maar elkeen diep in die skuld, 'n reeks kinderspeletjies speel met dodelike uitkomste as jy verloor vir die kans om die prysgeld van 45,6 miljard won te wen. Hwang het die idee van die storie bedink, gebaseer op sy eie ekonomiese stryd vroeg in sy lewe sowel as die klasverskille in Suid-Korea. Alhoewel Hwang aanvanklik die draaiboek in 2008 voltooi het, kon Hwang nie 'n produksiemaatskappy vind om die draaiboek te ondersteun nie, totdat Netflix omstreeks 2019 belangstelling getoon het as deel van hul strewe om hul buitelandse programaanbiedinge uit te brei. Hwang het al nege die episodes self geskryf en geregisseer.
Squid Game het wydverspreide positiewe kommentaar ontlok, met lof vir sy toneelspel, oorspronklikheid, regie, visuele styl, musikale partituur, kunsrigting, atmosfeer en temas; die Engelse onderskrifte is egter gekritiseer.[4][5] Binne 'n week het dit een van die gewildste programme op Netflix op verskeie streeksmarkte geword.