Stanislas Wawrinka

Stanislas "Stan" Wawrinka^[3] (Frans: [stanislas vavʁiŋka]; gebore 28 Maart 1985) is 'n Switserse professionele tennisspeler. Hy is ook 'n Duitse burger, omdat sy vader 'n Duitser van Tsjeggiese afkoms is.

Stanislas Wawrinka

Stanislas Wawrinka tydens die VSA-Ope in 2016
Bynaam	Stan Wawrinka, Barry
Land	Switserland
Woonplek	Monte Carlo, Monaco[1]
Geboortedatum	28 Maart 1985 (1985-03-28) (39 jaar oud) [1]
Geboorteplek	Lausanne, Switserland[1]
Lengte	1,83 m[1]
Gewig	81 kg[1]
Afrigter	Dimitri Zavialoff (2002–2010) Peter Lundgren (2010–2012) Richard Krajicek (2016) Paul Annacone (2017) Daniel Vallverdú (2019–2022) Magnus Norman (2013–2017, 2018–2020, 2022–hede)[1]
Begin professioneel	2002[1]
Spelstyl	Regshandig (eenhandig handrughou)[1]
Loopbaan-wengeld	$36 638 774 (soos op 29 Januarie 2024)[1] (8ste van alle tye)[2]
Amptelike webblad	stanwawrinka.com
Enkelspel
Loopbaanrekord	568–347 (62,1%)[1]
Loopbaantitels	16[1]
Hoogste rang	No. 3 (27 Januarie 2014)[1]
Huidige rang	No. 56 (29 Januarie 2024)[1]
Grand Slam-uitslae
Australiese Ope	W (2014)
Franse Ope	W (2015)
Junior	W (2003)
Wimbledon	KE (2014, 2015)
VSA-Ope	W (2016)
Groot toernooie
Toereindronde	HE (2013, 2014, 2015)
Olimpiese Spele	2R (2008)
Dubbelspel
Loopbaan-rekord	81–105 (43,5%)[1]
Loopbaantitels	3[1]
Hoogste rang	No. 88 (2 Februarie 2015)[1]
Huidige rang	No. 209 (29 Januarie 2024)[1]
Australiese Ope	3R (2006)
Franse Ope	3R (2006)
Wimbledon	1R (2006, 2007)
VSA-Ope	1R (2005)
Groot dubbelspeltoernooie
Olimpiese Spele	Goue medalje (2008)
Laaste opgedateer op: 29 Januarie 2024.

Wawrinka begin op 14-jarige ouderdom om aan internasionale junior-toernooie deel te neem. Hy verlaat skool op 15 om op tennis te fokus, maar sit sy studies deur afstandsonderrig voort. Sedert 2002 speel hy professioneel tennis. In 2005 word hy op die ATP-ranglys onder die beste 100 tennisspelers geplaas. In 2006 haal hy die top 50- en in 2008 die top 10-lys van spelers.

Tydens die Australiese Ope van 2014 wen hy sy eerste Grand Slam-toernooi. Hy skakel die tweede gekeurde Novak Djokovic tydens die kwarteindronde in 5 stelle uit. In die eindstryd wen hy die eerste gekeurde Rafael Nadal met 'n telling van 6–3, 6–2, 3–6 en 6–3. Hiermee skuif hy tot die nommer 3 posisie op die ATP se ranglys op. Tydens die Franse Ope van 2015 wen hy sy tweede Grand Slam-toernooi en tydens die VSA-Ope van 2016 sy derde.