Amber Heard

Nació y crióse n'Austin, Texas. El so padre, David, ye contratista, y la so madre, Paige, ye investigadora que trabaya pal Estáu buscando información n'Internet.

Heard asistió a l'Academia católica St. Michael n'Austin hasta'l so tercer añu, cuando salió a buscar una carrera en Hollywood. Cuando yera adolescente, Heard foi bien activa nel departamentu de drama de la so escuela y apaeció n'anuncios y campañes locales. A la edá de 16 años, morrió'l so meyor amigu nun accidente de coche y Heard, que foi criada como católica, darréu declarós'atea, por cuenta de la influyencia de les obres d'Ayn Rand.^[7]

Carrera profesional

El so debú como presentadora de televisión llegó-y en 2007 nel programa de televisión Hidden Palms de la CW. El so gran ésitu llegó-y en 2008 con actuaciones en Never Back Down y Pineapple Express. En 2009 Heard protagonizó The Stepfather y tamién tuvo un pequeñu papel na comedia de terror Zombieland. Tamién participó en The Joneses (2010), y tien los papeles de les próximes funciones en The Ward de John Carpenter, xunto a Nicolas Cage, en Drive Angry y xunto a Johnny Depp en The Rum Diary.

Heard declaró ser bisexual en 2010, nel eventu del 25 aniversariu de GLAAD,^[8] y tuvo una rellación cola fotógrafa d'Estaos Xuníos Tasya van Ree dende 2008 hasta 2011.Ye vegana dende 2008. Dende 2012, gracies a la so influyencia, ser tamién la so pareya actual, Johnny Depp.^[9]

Televisión

• Wikimedia Commons acueye conteníu multimedia sobre Amber Heard .
• Amber Heard na Internet Movie Database (n'inglés)