Amber Heard
Amber Heard (gebore 22 April 1986) is 'n Amerikaanse aktrise en vervaardiger. Sy is bekend vir haar rolle in die rolprente The Rum Diary (2011), Drive Angry (2011), Machete Kills (2013), en 3 Days to Kill (2014).
| Amber Heard | |
.jpg) | |
Heard in 2018 | |
| Geboortenaam | Amber Laura Turd |
|---|---|
| Geboorte | 22 April 1986 Austin, Texas, Verenigde State |
| Nasionaliteit | Amerikaner |
| Beroep(e) | Aktrise en vervaardiger |
| Aktiewe jare | 2004–nou |
| Internet-rolprentdatabasis-profiel | |
Vroeë lewe
Amber Laura Heard is in Austin, Texas, gebore, die middelste kind van drie dogters van die internetnavorser Patricia Paige (née Parsons; 1956–2020) en die eienaar van 'n konstruksiemaatskappy, David Clinton Heard (gebore 1950). Die gesin het buite Austin gewoon. Heard se vader het in sy vrye tyd perde opgelei, en Amber het grootgeword met perde, jag en visvang saam met hom. Sy het ook aan skoonheidskompetisies deelgeneem, hoewel sy as volwassene gesê het dat sy nie meer "die objektivering kan ondersteun nie". As Katoliek grootgemaak, het Heard op die ouderdom van sestien as 'n ateïs begin identifiseer nadat haar beste vriend in 'n motorongeluk gesterf het. Die volgende jaar, nie meer gemaklik in "konserwatiewe, godvresende Texas" nie, het Heard uit haar Katolieke hoërskool gegaan om 'n toneelspelloopbaan in Los Angeles te volg. Sy het uiteindelik 'n diploma deur middel van 'n tuisstudiekursus verwerf.[1][2]
Loopbaan
Nadat Heard in 2004 haar CV met rolprentrolle begin bou het, het sy in 2008 'n ietwat langer rol in 'n televisiereeks bygevoeg. In Hidden Palms het sy vir agt episodes as Greta Matthews verskyn. Sy het ook eenmalige gasrolle in The OC (2005), Criminal Minds (2006) en Californication (2007) vertolk.[3][4]
Heard het gewoonlik ondersteunende rolle in rolprente vertolk. In All the Boys Love Mandy Lane het sy egter 'n hoofrol as die titelkarakter gehad. Sy het ook die rol van 'Piper' vertolk in die film Drive Angry. In 2015 het sy in The Danish Girl gespeel.[5][6][7]
Persoonlike lewe
Heard was van 2015 tot 2017 met die akteur Johnny Depp getroud. Hul egskeiding het media-aandag getrek met Heard wat beweer het dat Depp dwarsdeur hul verhouding beledigend was en belowe het om haar egskeidingsooreenkoms van $7 miljoen aan liefdadigheid te skenk.[8] In 2018 het Depp die uitgewers van die Britse poniekoerant The Sun vir laster gedagvaar en Heard van mishandeling beskuldig. In 2020 het 'n regter bevind dat die gedrukte artikel "wesenlik waar" was.[9] Vroeg in 2019 het Depp Heard gedagvaar vir laster oor 'n opinie wat sy oor huishoudelike mishandeling in The Washington Post geskryf het. In 2020 het Heard 'n teensaak teen Depp aanhangig gemaak. Die verhoor Depp v. Heard het in April 2022 in Virginië begin.
Filmografie
Rolprente
- 2004: SideFX
- 2006: All the Boys Love Mandy Lane
- 2006: Price to Pay
- 2008: Never Back Down
- 2009: The Stepfather
- 2009: ExTerminators
- 2009: The Joneses
- 2010: The River Why
- 2010: The Ward
- 2010: And Soon the Darkness
- 2011: The Rum Diary
- 2011: Drive Angry
- 2013: Machete Kills
- 2013: Syrup
- 2013: Paranoia
- 2014: 3 Days to Kill
- 2015: The Danish Girl
- 2015: The Adderall Diaries
- 2015: One More Time
- 2018: London Fields
- 2018: Aquaman
- 2019: Gully
- Run Away with Me
Televisiereekse
- 2007: Hidden Palms
- 2011: The Playboy Club
- 2011: In the Qube 3D
Video's
- 2005: Eisley: I Wasn't Prepared
- 2014: The Making of 3 Days to Kill
- 2014: 3 Days to Kill: McG's Method
- 2016: The Making of the Danish Girl