Emmanuelle Charpentier

Estudió bioquímica, microbioloxía y xenética na Universidá Pierre y Marie Curie (UPMC) en París. En 1995 realizó'l so doctoráu nel Institutu Pasteur. Darréu treslladóse a los Estaos Xuníos, trabayando en diverses universidaes y hospitales, como la Universidá Rockefeller, el Centru Médicu Langone de la Universidá de Nueva York, l'Institutu Skirball de Medicina Biomolecular, tamién en Nueva York, y el Hospital d'Investigación Infantil St. Jude, en Memphis. Tres cinco años, tornó a Europa, primero a Viena y más tarde a la Universidá de Umeå en Suecia, onde llogró la plaza de direutora d'investigación del Molecular Infection Medicine Sweden (MIMS) y ye amás profesora visitante nel Centru Umeå pa Investigación Microbiana (UCMR). En 2013, foi nomada profesora nel Helmholtz Centre for Infection Research en Braunschweig y una cátedra Alexander von Humboldt na Escuela de Medicina de Hannover (MHH) en Hannover, Alemaña.

En 2015, Charpentier aceptó la ufierta de la Sociedá Max Planck de dirixir el nuevu Institutu Max Planck de Bioloxía de la Infeición en Berlín, calteniendo la so plaza de profesor visitante na Universidá de Umeå.^[27]

Charpentier ye más conocida pol so papel en descifrar los mecanismos moleculares del sistema inmunolóxicu bacterianu CRISPR-Cas9 (n'inglés: clustered regularly interspaced short palindromic repeats) y la so aplicación como ferramienta n'inxeniería xenética. En collaboración col llaboratoriu de Jennifer Doudna, el llaboratoriu de Charpentier afayó como Cas9 podría ser usáu pa faer cortes en cualquier secuencia deseyada d'un xenoma y inxertar, suprimir o modificar ADN.^[28][29] El métodu que desenvolvieron implicaba la combinación de Cas9 con molécules sintétiques de «ARN guía» de bona creación. Investigadores de tol mundu utilicen esti métodu pa manipoliar de forma eficaz ADN de plantes, animales y llinies celulares de llaboratoriu.

Dende los primeros meses de 2015 tanto Charpentier como Doudna caltienen un pleitu de patentes col bioquímicu Feng Zhang, anque realmente trátase d'un discutiniu ente les instituciones onde trabayen los litigantes: l'Institutu Teunolóxicu de Massachusetts (MIT), onde trabaya F. Zhang y la Universidá de California en Berkeley, llugar de trabayu de Doudna. Dambes instituciones piensen qu'hai enforma prestíu y dineru en xuegu.^[30]

• 2011 – Premiu Fernström pa científicos nuevos y prometedores^[31]
• 2014 – Premiu Göran Gustafsson^[32]
• 2014 – Premiu Dr. Paul Janssen d'Investigación Biomédica^[33] (compartíu con Jennifer Doudna)
• 2014 – Premiu Jacob Heskel Gabbay^[34] (compartíu con Feng Zhang y Jennifer Doudna)
• 2014 – Premiu Breakthrough de Ciencies de la Vida^[35] (compartíu con Jennifer Doudna)
• 2015 – Premiu de la Sociedá Internacional de Teunoloxíes Trexéniques^[36] (compartíu con Jennifer Doudna)
• 2015 – Premiu Louis-Jeantet de Medicina^[37]
• 2015 – Time 100: Pioneros^[38] (compartíu con Jennifer Doudna)^[39]
• 2015 – Premiu Ernst Jung de Medicina^[40]
• 2015 – Premiu Princesa d'Asturies d'Investigación Científica y Téunica (compartíu con Jennifer Doudna)
• 2015 – Premiu Gruber de Xenética (compartíu con Jennifer Doudna)^[41]
• 2015 – Premiu Umeå University Jubilee: The MIMS Excellence by Choice Programme^[42]
• 2015 – Medaya Carus, de l'Academia de Ciencies Leopoldina^[43]
• 2016 – Premiu Fundación BBVA Fronteres de la Conocencia na categoría de Biomedicina xunto a Jennifer Doudna y Francisco M. Mojica

• Umeå University Staff Directory: Emmanuelle Charpentier
• Nature 471, 602–607 (31 March 2011: "CRISPR RNA maturation by trans-encoded small RNA and host factor RNase III"
• Science, June 28 2012: "A Programmable Dual-RNA–Guided DNA Endonuclease in Adaptive Bacterial Immunity"
• Helmholz Centre for Infection Research – Regulation in Infection Biology
• Molecular Infection Medicine Sweden – Short Curriculum Vitae of Emmanuelle Charpentier
• Crispr Therapeutics: Scientific Founders
• Emmanuelle Charpentier to become a Direutor at the Max Planck Institute for Infection Biology in Berlin