Kobani
Kobani (kürd. Kobanî/Kobanê, ərəb. كوباني, klass. süry. ܟܘܒܐܢܝ), rəsmi olaraq Eyn ül-Ərəb (ərəb. عين العرب) — Suriyanın Hələb mühafəzəsində şəhər, Eyn ül-Ərəb rayonunun inzibati mərkəzi. Şəhər Suriyanın Türkiyə ilə olan sərhədi üzərində yerləşir. Suriyada vətəndaş müharibəsinin bir nəticəsi olaraq, şəhər 2012-ci ildən bəri Xalq Qoruma Dəstələrinin (YPG) nəzarəti altına düşmüşdür.
| Kobani | |
|---|---|
| عين العرب Kobanî | |
 | |
| 36°53′27″ şm. e. 38°21′13″ ş. u. | |
| Ölkə | |
| Tarixi və coğrafiyası | |
| Əsası qoyulub | 1915 |
| Sahəsi |
|
| Mərkəzin hündürlüyü | 520 ± 1 m |
| Saat qurşağı | |
| Əhalisi | |
| Əhalisi |
|
| Rəqəmsal identifikatorlar | |
| Poçt indeksi | C1946 |
 Vikianbarda əlaqəli mediafayllar | |
Şəhər 2014-cü ilin sentyabr ayından 2015-ci ilin yanvar ayında qədər İraq Şam İslam Dövlətinin blokadası altında idi. Şəhərin əksər hissəsi məhv edilmiş, şəhər əhalisinin əksəriyyəti Türkiyəyə qaçmışdır.[1] Onların çoxu 2015-ci ildə geri qayıtmış və şəhərdə yenidənqurma işlərinə start verilmişdir.
Suriyada vətəndaş müharibəsindən əvvəl Kobani şəhərinin əhalisi 45.000 nəfərə yaxın idi.[2] Şəhər əhalisinin əksəriyyətini kürdlər təşkil edirdi, ancaq şəhərdə ərəb, Suriya türkmanı və erməni icmaları da yaşayırdı.[3]
Etimologiya
Kobani (kürd. كوباني) sözünün mənası ilkin olaraq, kompaniya demək idi. Bu ad 1911-ci ildə Konya–Bağdad dəmiryolunu inşa edən[4][5][6][7][8] Almaniyanın bir dəmiryol şirkətina bir istinad idi.[9][10]
Kobani şərqdəki Ərəb Pınar və qərbdəki Mürşidpınar (türk. Mürşitpınar) kəndləri arasında tikilmişdi. Şərqdə yerləşən Ərəb Pınar (türk. Arap Pınar, hərfi t. Ərəb bulağı) və Kobaninin ərəb dilindəki adı Ayn əl-Ərəb ərəb. (عين العرب) bunun tərcüməsidir. Buradakı "bulaq" sözü kəndin şərqindən axan çaya bir istinaddır. Ərəb köçəri tayfaları yay fəslində öz qoyun sürülərini bura gətirərdi. Bu kənd 1960-cı illərdə qurumuş kiçik bir gölün cənubunda yerləşirdi. Mürşidpınar adı bu günə kimi qərbdə yerləşən kənd və Türkiyədə yerləşən dəmiryol stansiyası üçün istifadə edilir.[11]
Bu iki kəndin hər ikisi də hal-hazırda Kobaninin bir parçasıdır. Eyn ül-Ərəb adı Suriya hökuməti tərəfindən ilk dəfə 1980-ci illərdə təqdim edilmişdir ki, bu da hökumətin geniş ərəbləşdirmə siyasətinin bir hissəsi idi.[4][5][12]
İstinadlar
Xarici keçidlər
- "Documentary "Radio Kobani"". — IMDb saytında. (ing.)
- "Recommendations for reconstructing Kobani". — kobani.net saytında. (ing.)