Panama

Panama hod a Flechn vo iba 75.000 Quadratkilometa, s dohea d 118t greeste Stootvo da Wejd.^[5] On oana Stejn is des Lond oba nua 60 Kilometa schmoi, wo a Rekoad is in Middlamerika.

Da heechste Beag is d Volcan Baru, mit a Hehn vo 3477 Metan. In San Blas wohn fei no Indiana, de un annere Kultua in Panama san obr vom Turiismus bedroht.

2010 hod Panama 3.406.000 Eihwohna ghobt. S Woad fia d Eihwohna is a ‚Panamer’ un fia de Frau ‚Panamerin’^[6]. Mennaleit wern in Panama etwa 75,8 Joar oid, Fraun 81,6.

Etwa zwoa Driaddl da Bevejkarung san Mestiizn (Mischvoik aas Indjana un Eiropean). Dono kemm de Schworzn un Muloddn mit ca. 15 %.

Dene Panamer san vonna Wejdaunanschauung moast kristli, 86 % san Katholikn, 10 % san Prodesdondn. Muslima un minin (je 1%) gibt’s au.^[7]

Panama hod si am Joar 1821 vo Spanien treannt un is dono Tei vo Groußkalumbjen worn. 1903 gobs d 1000-Doaga-Kriag un Panama hod si widda vo Kalumbjen trennt. D Eihfluss vo da USA is greeßa worn. Zum Boaspui hom de Amrikana en Panamakanoal baun derfn (1904 bis 1914) un a d Puente de las Americas, de oanzga Bruckn zwiischn Noad- un Siidamerika bis 2004.

Trotz oim hods 1964 d Floggnkompf gehm zwiischn Panama un de USA.

1977 hom boade Stootn d Torrilos-Carter-Vatroag unnaschriem. D hod gsogt doss Panama soan Kanai bis 1999 zriackkriagt.

1989 is da Diktatoa Manuel Noriega duacha USA gsteatzt worn.

1999 hom de Amrikana d Panamakanai widda ibagehm.

Seijt 2014 hoaßt da President Juan Carlos Varela. Davoa woars da Ricardo Martinelli (vo 2009 bis 2014).

Panama vadeants moasta Gejd mitm Panamakanoal. 8000 Leit oabeidn inna Vawoidung, am Btriab un inna Reparadua. Aa vui Goid spialta Regastriaung vo Schiiffn inna Kossn vo Panama nei.

Wejdwoid san a moastn Schiiffn n Panama regastriat. Da Regastriaung s unbirokradsch, un de Steian san griing.

19 % vo de Leit wo oabeidn duan des inna Londwiatschoft, 62 % im Hondl un annere 19 % inna Induastri.

De bedaidnstn Produkta vonna Londwiatschoft san

• Banann,
• Reis,
• Zuggaroa
• Gugaruz,
• Kafää un
• Ananas.

De Viecha n Panama, de am wichdigstn san, san de Facken, s Rindviech un de Henna.

45 % d gsomtn Flechn vo Panama is Woid. Zwoa Draddl vom Woid san gschiitzt, oan Driddl wead ois Nutzwoid braucht. Außadem stengan inna Provinz Veraguas un aa in Mereti Plantagen vo Natuakautschuk, wo vo eiropäischn Fiam wi Timberfarm bwiatschoftet wean^[8].

Aa d Fiischarai vasoagt de Leit. Bedaidnsta Produkta san Krabbn.

D Beagbau n Panama briangt a bisserl Goid un Süwa oa. Om Stuian Ozean hods aa Soiz. Fia si selbst produzian de Panamaer

• Zement,
• Viktualien,
• Schuah,
• Zigrettn,
• Soaffa un
• Oikohoi.

S Gejd n Panama is a Balboa (PAB) un a Centesimo. Midm Dollar konnst fei aa zohln. Oan Dollar is oan Balboa.

De bedaidnste Expoadwaan san Banann, Ananas, Zugga un Kafää. Heit griagt Panama Waan voa oim ois Kina un de USA, moast san des

• Maschiin,
• Kemikaljen,
• Gwand un
• Konseavn.

StroßnD Leng vo oin Stroßn n Panama zsammgrechnet iis 11.400 Kilometa.

EisnbohS hod n Panama no 75 Kilometa Schiin fia d Eisnbauhn. S woan ma 450 km. D Streckn fiad vo Colon no Panama-City, nem Kanoal hea. Hejfig fahrts da Zuag Waan umhea, obr aa Leit. Wenns a mollerts Kraizfoadschiiff kemmat, wead a Eisnbauhn fia de Possagia tschardat.

SchiiffD Panamakanoal vabiind des Karibischs Meea midm Stuin Ozean. A groußa Hofm stäht n

• Balboa,
• Cristobal,
• Bocas del Toro,
• Almirante un
• Puerto Armuelles.

FlughofmNoa d Haptstod Panama-City hods an PTY (Aeropuerto Internacional de Tocumen), n internationaln Flughofm.

D beliabtesta Spoat n Panama is a Fuaßboi. Groußta Afoig fia Panama is doss dene diafe zua Wejdmoasterschaft n Russland 2018.

 Commons: Panama – Sammlung vo Buidl, Videos und Audiodateien

 Wikimedia-Atlas: Panama – geografische und historische Koartn

 Wikivoyage: Panama – Reiseführer

• Literatuadatnbank Panama
• Panama: Zwischen den Ländern und zwischen den Meeren – Artikel von Nadja Einzmann in Frankfurter Allgemeine Zeitung

Politische Gliadarung vo Amerika

Noadamerikanische Staatn: Kanada |Mexiko |Vereinigte Staaten  Zendralamerika: Belize |Costa Rica |El Salvador |Guatemala |Honduras |Nicaragua |Panama  Karibik: Antigua und Barbuda |Bahamas |Barbados |Dominica |Dominikanische Republik |Grenada |Haiti |Jamaika |Kuba |St. Kitts und Nevis |St. Lucia |St. Vincent und die Grenadinen |Trinidad und Tobago Siadamerikanische Staatn: Argentinien |Bolivien |Brasilien |Chile |Ecuador |Guyana |Kolumbien |Paraguay |Peru |Suriname |Uruguay |Venezuela Andane Gebiete : Amerikanische Jungferninsln |Anguilla |Aruba |Bermuda |Britische Jungferninsln |Foiklandinsln |Französisch-Guayana |Grönland |Guadeloupe |Kaimaninsln |Martinique |Niedaländische Antilln |Puerto Rico |Saint-Pierre und Miquelon |Südgeorgien und de Südlichen Sandwichinsln |Turks- und Caicosinsln

8.6950691380556-80.0628662108339° N, 80° W