Panama
Panama, Republika Panamy (szp. Republica de Panama) – państwo we Strzodkowyj Americe, rozlygowane nad Karajibskim Morzem a Pokojnym Uoceanem. Grańica mo s Kolůmbijům a Kostarykům. Znůmo najbarzi ze Panamskigo Kanału, kery skrůćůł droga s Atlantyckigo Uoceanu na Pokojny Uocean.
| República de Panama Republika Panamy | |||||
| |||||
| Motto: (łać.) Pro Mundi Beneficio (Lo Korzyśći Śwjata) | |||||
| Hymn: Himno Istmeño (Hymn Przesmyka) | |||||
 | |||||
| Uoficjalno godka | szpańelsko godka | ||||
| Stolica | Panama | ||||
| Polityczny systym | republika | ||||
| Gowa państwa | prezydynt Juan Carlos Varela | ||||
| Przikludziorz regjyrunku | prezydynt Juan Carlos Varela | ||||
| Rozlygowańy • cołkowity • strzůdlůndowe wody | 115. we śwjeće 78 200 km² 2,9% | ||||
| Liczba ludźi (2008) • cołkowito • gynstość zaludńyńo | 135. we śwjeće 3 293 000 42 osůb/km² | ||||
| ńypodlygłość | uod Kolůmbije 3 listopada 1903 | ||||
| Religijo (głůwno) | |||||
| Waluta | amerikański dolar (USD) | ||||
| Czasowo zůna | UTC - 5 | ||||
| Kod ISO 3166 | PA | ||||
| Necowo důmyna | .pa | ||||
| Automobilowy kod | PA | ||||
| Telefůniczny kod | +507 | ||||
| Autůnůmiczne terytoryja | |||||
S anfanga zamjyszkano uod Indjanerůw, we 1501 prziłůnczono do Szpańijskich kolůńiji we Americe. Uod 1830 tajla Kolůmbije, ńypodległo uod 1903 roka. We uzyskańu ńypodległośći dopůmogły Panamje Zjednoczůne Sztaty, nale za to dostoły Sztrefa Panamskigo Kanału, nad kerům Panama uzyskała suwerynność dźepjyro we 1997 roku.
Ludność: 60% Metysy, 20% Mulaty a Negry, 10% bjoli, krům tygo Indjanery a krojcoki. Ůng. 84% mjyszkańcůw je katolikůma.
We gospodarce nojwjynkszy udźoł mo obsługa Panamskigo Kanału, krům tygo bauerstwo a industryja.
Ferwaltůngowy tajlůng
Panama je potajlowano na 9 prowincyjůw (szp. provincias) a 3 terytoryja autochtůnůw (szp. comarcas indígenas). Krům tygo sům dwa comarcas, kere sům podporzůndkowane regjyrůnkowi prowincyjalnymu a majům sztatus růwny panamskich gminům (szp. corregimiento).
Prowincyje Panamy (wroz ze istnymi mjastůma):
- Bocas del Toro (Bocas del Toro)
- Chiriquí (David)
- Coclé (Penonomé)
- Colón (Colón)
- Darién (La Palma)
- Herrera (Chitré)
- Los Santos (Las Tablas)
- Panamá (Panamá)
- Veraguas (Santiago de Veraguas)
Terytoryja Panamy (uo sztatuśe prowincyje):
- Emberá (Unión Chocó)
- Kuna Yala (El Porvenir)
- Ngöbe-Buglé (Quebrada Guabo)
Inksze terytoryja (uo sztatuśe gminy)
- Kuna de Madugandí - tajla prowincyje Panamá
- Kuna de Wargandí - tajla prowincyje Darién
