Іванск

Вядомы прынамсі з 1563 года, калі згадваецца ў маскоўскай пісцовай кнізе Полацкага павета як "манастырскае сяльцо Іванаўскае" ў Сялецкай воласці на рацэ Уле, цэнтр уладанняў полацкага Іаана-Прадцечанскага манастыра, у склад якіх уваходзіла яшчэ 4 неназваныя возеры і 15 неназваных вёсак. З Рэвізіі 1552 года вядома, што ў склад гэтых уладанняў уваходзілі "людзі" Копцеўскія, Дзямідаўскія і Прыстойскія нада ракой Улай^[2].

У 1564 годзе на палях каля сяла адбылася бітва на Уле.

Рэвізоры ў 1580 годзе адзначалі, што раней у манастырскім маёнтку "людзей" Копцеўскіх, Дзямідаўскіх, Прыстойскіх, Еванскіх было 86 і давалі яны кожны 4 сноп з усяго збожжа і палову мёду з усіх борцяў, але на час рэвізіі ўсе "разышліся прэч", што пэўна было наступствам Лівонскай вайны (1558—1583). Станам на 1580 год названыя чатыры сяла трымаў кашталян смаленскі "ку Дзісне".

• Іван Міхайлавіч Краснік (1906—1957), Герой Савецкага Саюза (1945)^[3].

• Сядзібна-паркавы ансамбль Валадковічаў

• 
  Флігель сядзібы
• 
  Рэшткі сядзібнага дома

• На Вікісховішчы ёсць медыяфайлы па тэме Іванск
• Іванск на сайце Глобус Беларусі (руск.)