Барух Бенасераф
Барух Бенасераф (англ.: Baruj Benacerraf, 29 кастрычніка 1920, г.Каракас, Венесуэла — 2 жніўня 2011, Бостан, ЗША) — амерыканскі генетык, мікрабіёлаг і імунолаг, лаўрэат Нобелеўскай прэміі па фізіялогіі і медыцыне ў 1980 годзе разам з Ж.Дасэ і Дж. Д.Снелам за адкрыццё галоўнага комплексу гістасумяшчальнасці, групы генаў, якія адказваюць за распазнанне чужародных рэчываў і развіццё імуннага адказу.
Барух Бенасераф | |
---|---|
англ.: Baruj Benacerraf | |
Дата нараджэння | 29 кастрычніка 1920[1][2][…] |
Месца нараджэння | |
Дата смерці | 2 жніўня 2011[3][1][…] (90 гадоў) |
Месца смерці |
|
Грамадзянства | |
Род дзейнасці | фізіёлаг, імунолаг, біёлаг, урач, выкладчык універсітэта |
Навуковая сфера | імуналогія |
Месца працы | |
Альма-матар | |
Вядомы як | адкрыў галоўны комплекс гістасумяшчальнасці |
Член у | |
Узнагароды | |
Медыяфайлы на Вікісховішчы |
Біяграфія
Барух Бенасераф нарадзіўся 29 кастрычніка 1920 года ў Каракасе ў забяспечанай сефардскай яўрэйскай сям’і. Яго бацька паходзіў з Марока (Тэтуан) і атрымаў французскую адукацыю ў Алжыры, дзе і ажаніўся. Сям’я пераехала ў Парыж, калі Баруху споўнілася 5 гадоў. Тут яны заставаліся да Другой сусветнай вайны, але ў 1939 годзе вярнуліся ў Венесуэлу.
Скончыў медыцынскі каледж штата Вірджынія. Стаўшы ўрачом, Бенасераф з 1946 года служыў 2 гады вайсковым урачом у частцы, раскватараванай у Нансі (Францыя). Пасля арміі вырашыў заняцца навуковай дзейнасцю, у прыватнасці яго цікавіла імуналогія і ў асаблівасці гіперадчувальнасць, таму што ён сам пакутаваў на астму.
З 1948 года ў Калумбійскім, з 1956 года ў Нью-Ёркскім універсітэтах, з 1968 года ў Нацыянальным інстытуце аховы здароўя, адначасова з 1970 года прафесар Гарвардскай медыцынскай школы. З 1980 года прэзідэнт Міжнароднага саюза імуналагічных таварыстваў.
Аўтар навуковых прац па генетычным кантролі імуналагічных рэакцый арганізма.
Член Нацыянальнай АН ЗША, Амерыканскай акадэміі навук і мастацтва.
У 1990 годзе быў узнагароджаны Нацыянальным медалём навукі ЗША.
Яго аўтабіяграфія была апублікавана ў 1998 годзе[6]. Бенасераф памёр 2 жніўня 2011 года ў Jamaica Plain, штат Масачусетс, ад пнеўманіі. Яго жонка, Анет, памёрла ў тым жа годзе 3 чэрвеня.
Сям’я
- Жонка (з 1943 года) — Анет Бенасераф (народжаная Дрэйфус, 1922—2011) — паходзіла з сям’і Альфрэда Дрэйфуса і прыходзілася пляменніцай лаўрэату Нобелеўскай прэміі па фізіялогіі і медыцыне Жаку Мано[7]. Яна з’яўляецца аўтарам кнігі пра гісторыю сваёй сям’і «L’odyssée d’une jeune fille de bonne famille»(1997).
- Дачка — Берыл Рыка Бенасераф (нар.1949), аўтар прац у вобласці прэнатальнай ультрасанаграфіі, прафесар рэнтгеналогіі ў медыцынскай школе Гарвардскага універсітэта (яе муж — прафесар і загадчык кафедры сардэчна-сасудзістых захворванняў таго ж універсітэта Піцер Лібі)[8].
- Брат — амерыканскі філосаф Пол Джозеф Саламон Бенасераф (нар. 1931), вядомы галоўным чынам сваімі працамі па філасофіі матэматыкі.
Зноскі
Літаратура
- Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мінск: БелЭн, 1996. — Т. 3. — 511 с. — 10 000 экз. — ISBN 985-11-0068-4