Вінцэнт дэ Поль
Вінцэнт дэ Поль (24 красавіка 1581, Пуі, Францыя — 27 верасня 1660, Парыж) — каталіцкі святар, мучанік.
| Вінцэнт дэ Поль | |
|---|---|
| фр.: Vincent de Paul | |
 | |
| Дата нараджэння | 24 красавіка 1581[1] |
| Месца нараджэння | |
| Дата смерці | 27 верасня 1660[2][3][…] (79 гадоў) |
| Месца смерці | |
| У ліку | святы і каталіцкі святы |
| Дзень памяці | 27 верасня[6] |
| Альма-матар | |
 Медыяфайлы на Вікісховішчы | |
Біяграфія
Бацькі Вінцэнта былі сялянамі. У 19-гадовым узросце ён стаў святаром і праз дванаццаць гадоў святарскага служэння быў прызначаны пробашчам парафіі Клішы ў Парыжы. У 1617 годзе святар прысягнуў да канца свайго жыцця служыць бедным і ў тым жа годзе арганізаваў Брацтва міласэрнасці — супольнасць свецкіх сясцёр. Праз тры гады ён заснаваў мужчынскае таварыства служыцеляў бедных, а ў 1625 годзе — законную супольнасць Місій, заданнем якой стала падрыхтоўка місій і клопат пра выхаванне духавенства.
Паколькі сядзіба супольнасці Місій знаходзілася побач з парыжскім касцёлам святога Лазара, законнікаў пачалі называць лазарыстамі. У 1633 годзе Вінцэнт дэ Поль разам з Луізай дэ Марыяк заснаваў законную супольнасць Дачок міласэрнасці, вядомых пад назваю шарыткі (ад французскага слова charity — міласэрнасць). Адданы святар, служыцель бедных, апякун сіротаў і хворых арганізоўваў сталоўкі для простага народу, а таксама палявыя шпіталі (лазарэты) падчас крывавых паўстанняў супраць каралеўскай улады, што адбываліся ў краіне ў сярэдзіне XVII стагоддзя.
На момант яго смерці ў Францыі існавала ўжо каля 800 місій лазарыстаў, якія пазней распаўсюдзіліся па ўсім свеце[7].