Дзяржаўная Дума Расійскай Федэрацыі
Дзяржаўная Ду́ма (у сродках масавай інфармацыі ўжываецца таксама скарачэнне Дзяржду́ма) — адна з палат Федэральнага сходу[1][2] — парламента Расійскай Федэрацыі.
| Дзяржаўная Дума | |
|---|---|
| VI скліканне | |
 | |
| Тып | |
| Тып | Ніжняя палата Федэральнага сходу Расійскай Федэрацыі |
| Кіраўніцтва | |
| Старшыня | Сяргей Яўгенавіч Нарышкін, Адзіная Расія з 21 снежня 2011 года |
| Структура | |
| Членаў | 450 |
 | |
| Фракцыі |
|
| Выбары | |
| Сістэма галасавання | абіраецца грамадзянамі на аснове ўсеагульнага роўнага і прамога выбарчага права пры тайным галасаванні |
| Апошнія выбары | 18 верасня 2016 года |
| Зала пасяджэнняў | |
 | |
| Сайт | |
| www.duma.gov.ru | |
Прававы статус Дзяржаўнай Думы вызначаны ў пятай главе Канстытуцыі Расійскай Федэрацыі[3].
Дзяржаўная Дума складаецца з 450 дэпутатаў[2]. Дэпутатам Дзяржаўнай Думы можа быць абраны грамадзянін Расійскай Федэрацыі, які дасягнуў 21 года і мае права ўдзельнічаць у выбарах (прычым адна і тая ж асоба не можа быць адначасова дэпутатам Дзяржаўнай Думы і членам Савета Федэрацыі)[4]. Дэпутатам Дзяржаўнай Думы першага склікання мог адначасова з’яўляцца член Урада Расійскай Федэрацыі (паводле пераходных палажэнняў Канстытуцыі Расійскай Федэрацыі).
Працу Дзяржаўнай Думы ўзначальваюць старшыня і яго намеснікі.
Гісторыя
Першая Дзяржаўная Дума абіралася разам з Саветам Федэрацыі ў дзень усенароднага галасавання па Канстытуцыі 12 снежня 1993 года тэрмінам на два гады (паводле пераходных палажэнняў прынятай Канстытуцыі).
Тэрмін паўнамоцтваў 2 — 5 скліканняў Дзяржаўнай Думы — чатыры гады. Пачынаючы з 6 склікання, дэпутатаў абіраюць тэрмінам на пяць гадоў[5].
З 2007 года па 2011 год дэпутаты Дзяржаўнай Думы выбіраліся па прапарцыйнай сістэме (па партыйных спісах). Прахадны бар’ер складаў 7 %. Планавалася, што з 2016 года бар’ер будзе складаць 5 %, а выбары будуць праходзіць па змяшанай сістэме[6].
Выбары ў Дзяржаўную Думу праводзіліся ў 1993, 1995, 1999, 2003, 2007, 2011 і 2016 гадах.
Старшыні Дзярждумы
Дзяржаўная Дума I склікання (14 студзеня 1994 г. — 17 студзеня 1996 г.)
- Іван Пятровіч Рыбкін (абраны 14 студзеня 1994 г.), фракцыя Аграрнай партыі Расіі
Дзяржаўная Дума II склікання (17 студзеня 1996 г. — 18 студзеня 2000 г.)
- Генадзь Мікалаевіч Селязнёў (абраны 17 студзеня 1996 г.), фракцыя КПРФ
Дзяржаўная Дума III склікання (18 студзеня 2000 г. — 29 снежня 2003 г.)
- Генадзь Мікалаевіч Селязнёў (абраны 18 студзеня 2000 г.), фракцыя КПРФ, з 4 чэрвеня 2002 г. — незалежны дэпутат
Дзяржаўная Дума IV склікання (29 снежня 2003 г. — 24 снежня 2007 г.)
- Барыс Вячаслававіч Грызлоў (абраны 29 снежня 2003 г.), фракцыя «Адзіная Расія»
Дзяржаўная Дума V склікання (24 снежня 2007 г. — 4 снежня 2011 г.)
- Барыс Вячаслававіч Грызлоў (абраны 24 снежня 2007 г.), фракцыя «Адзіная Расія»
Дзяржаўная Дума VI склікання (21 снежня 2011 г. — 5 кастрычніка 2016 г.)
- Сяргей Яўгенавіч Нарышкін (абраны 21 снежня 2011 г.), фракцыя «Адзіная Расія»
Дзяржаўная Дума VII склікання (з 5 кастрычніка 2016 г.)
- Вячаслаў Віктаравіч Валодзін (абраны 5 кастрычніка 2016 г.), фракцыя «Адзіная Расія»
Гл. таксама
- Дзяржаўная Дума Расійскай імперыі
Зноскі
Спасылкі
На Вікісховішчы ёсць медыяфайлы па тэме Дзяржаўная Дума Расійскай Федэрацыі- Афіцыйны сайт
- Дзяржаўная Дума ў сацыяльнай сетцы «Twitter»
