Другая ліванская вайна

Другая ліванская вайна (афіцыйнае найменне ў Ізраілі з 21 сакавіка 2007 года^[16], у арабскім свеце — «Ліпеньская вайна») — узброенае сутыкненне паміж дзяржавай Ізраіль, з аднаго боку, і радыкальнай шыіцкай групоўкай «Хезбала», фактычна цалкам кантралявалай паўднёвыя раёны дзяржавы Ліван, з іншага боку. Баявыя дзеянні доўжыліся 34 дні ў ліпені—жніўні 2006 года.

Другая ліванская вайна
Асноўны канфлікт: Частка араба-ізраільскага канфлікту
Карта зоны канфлікту
Дата	12 ліпеня — 14 жніўня 2006
Месца	Ліван, Ізраіль
Прычына	ракетна-мінамётны абстрэл «Хезбалой» прыгранічных населеных пунктаў Ізраіля, забойства 3 і захоп 2 ваеннаслужачых з асабовага склада памежнага патруля.
Вынік	Спыненне агню, Рэзалюцыя № 1701 Савбяса ААН [1]
Праціўнікі
Ізраіль пры падтрымцы: ЗША Хезбала Пры падтрымцы:  Іран  Сірыя  Беларусь[2] Амаль НФВП-ГК ЛКП ССНП
Камандуючыя
Дан Халуц, начальнік Генштаба Арміі абароны Ізраіля. Эліэзер Шкедзі Хасан Насрала, лідар групоўкі «Хезбала». Імад Мугнія
Сілы бакоў
10 000[3]—40 000 100 танкаў[3] 400 БТР[3] 400 гармат[3] авіяцыя[3] 2500—3500[4]
Страты
Ваенныя страты: 121 загінуў 628 паранены[5] Грамадзянскія страты: 44 загінулі 4262 паранены[6][7] Ваенныя страты: «Хезбала» 250 (прызнана «Хезбалой»)[8][9][10][11][12] 700 загінулых і 1000 параненых (па сцв. ЦАХАЛ) 500 (сцвутв. ААН)[13] 500 (па утв. ліванскіх крыніц)[14] «Амаль»: ад 7 да 17, НФВП: 1—2[10][15]. Страты сярод грамадзян Лівана : 1191 загінуў 4409 паранены.
Медыяфайлы на Вікісховішчы

Канфлікт быў справакаваны 12 ліпеня ракетна-мінамётным абстрэлам умацаванага пункта «Нурыт» і прыгранічнага населенага пункта Шломі на поўначы Ізраіля (пры абстрэле былі паранены 11 чалавек^[17]) з адначасовым нападам на памежны патруль (забойства трох і захоп двух ізраільскіх ваеннаслужачых) Арміі абароны Ізраіля на ізраільска-ліванскай мяжы баявікамі «Хезбалы».

Баявікі «Хезбалы» на працягу месяца праводзілі масіраваны ракетны абстрэл паўночных гарадоў і паселішчаў Ізраіля.

Падчас наземнай аперацыі арміі Ізраіля ўдалося прасунуцца ўглыб ліванскай тэрыторыі на 15-20 км, выйсці да ракі Літані і ў значнай ступені зачысціць акупаваную тэрыторыю ад баявікоў «Хезбалы». Акрамя таго, баявыя дзеянні на поўдні Лівана суправаджаліся бесперапыннымі бамбардзіроўкамі населеных пунктаў і аб'ектаў інфраструктуры на ўсёй тэрыторыі Лівана.

Баявыя дзеянні працягваліся з 12 ліпеня па 14 жніўня 2006 года, калі ў адпаведнасці з рэзалюцыяй Савета Бяспекі ААН было абвешчана спыненне агню.

1 кастрычніка 2006 года Ізраіль завяршыў вывад войскаў з тэрыторыі Паўднёвага Лівана. Кантроль над поўднем Лівана цалкам перайшоў да падраздзяленняў урадавай ліванскай арміі і міратворцаў ААН. Да пачатку кастрычніка на поўдні Лівана ўжо былі дыслакаваны каля 10 тыс. ліванскіх ваенных і звыш 5 тыс. міратворцаў.