Меншыкава вежа

Меншыкава вежа, Царква Архангела Гаўрыіла на Чыстых прудах у Маскве — праваслаўны храм у гонар Архангела Гаўрыіла; помнік барока ў Басманным раёне (Архангельскі завулак, 15а).

Праваслаўны храм
Царква Архангела Гаўрыіла
(Меншыкава вежа)
Меншыкава вежа ў 2008 годзе
55°45′47″ пн. ш. 37°38′20″ у. д.HGЯO
Краіна	Расія
Горад	Масква
Канфесія	Праваслаўе
Епархія	Маскоўскі патрыярхат
Архітэктурны стыль	Пятроўскае барока
Заснавальнік	Аляксандр Меншыкаў
Першае згадванне	1551
Дата заснавання	1704
Будаўніцтва	1704—1707 гады
Статус	Аб’ект культурнай спадчыны РФ № 7710021000№ 7710021000
Сайт	arhgavr-bogoyav.moseparh.ru
Медыяфайлы на Вікісховішчы

Царква была першапачаткова пабудавана ў 1707 годзе па замове Аляксандра Меншыкава. Аўтарамі праекта ў сучасных выданнях называюць Івана Заруднага^[1], мяркуюць удзел Даменіка Трэзіні, групы італьянскіх і швейцарскіх майстроў з кантонаў Тычына і Фрыбур і расійскіх каменячосаў з Кастрамы і Яраслаўля.

Самы ранні з захаваных будынкаў пятроўскага барока ў Маскве, Меншыкава вежа была істотна зменена ў 1770-х. Царква функцыянавала толькі ўлетку, узімку службы праводзіліся непадалёк, у царкве Феадора Стратылата, пабудаванай у 1782—1806 гг. Царква Святога Феадора Стратылата таксама мела званы, а Меншыкава вежа, нягледзячы на сваю вышыню, званоў не мела.

Абодва храмы з 17 ліпеня 1948 года належаць Антыяхійскаму падворку^[2].